استفسار عن العلف

بسم الله الرحمن الرحيم

اخواني انا اعلف الوافي للخلفات واخبرني احد كبار السن انه يسبب للبل الاتي 1/ خمول وثقل
2/ خروج مايسمى بالخراج / تغير طعم الحليب
نرجوا من الاخوة افادتنا في ها الموضوع
وماهي البدائل المفيدة

رد: استفسار عن العلف

ارحب يا عبد الرحمن وحياك الله

1/ خمول وثقل : ما لاحظت هالشي في الابل .

2/ خروج مايسمى بالخراج : نعم هذا من واقع تجرب لي ولكن انصح بـ مكعب الصوامع

لانه الافضل للتسمين وانا حالياً اعلف بمكعب الصوامع لي سبع سنوات .

3/ تغير طعم الحليب : مالاحظت هالشي ولكن يزود كمية الحليب هذا الى لاحظته .

الاجابه على اسالتك من واقع تجربه بالنسبه لي .

والله يوفقك

رد: استفسار عن العلف

1/ خمول وثقل

مالاحظت شي بخصوص الثقل والخمول ويمكن اهل المغاتير ابخص

2/ خروج مايسمى بالخراج

نعم وهذي ماتبي لها سؤال تبي تشوف بعينك

3/ تغير طعم الحليب
نعم يسمج طعم الحليب ويملحه

رد: استفسار عن العلف

جزاكم الله الف خير

رد: استفسار عن العلف

اخوي عبدالرحمن السلام عليكم
حبيت ان اعلق على موضوعك واشكر الاخوان الذين شاركو بالتعليق
واقول انا جربت المكعبات كلها( صوامع و وافي و المعجل و مرام حق القصيم )
ولا حضت الخراج وتغير طعم الحليب
ورجعت على الشعير ولا فيه احسن منه بس نقعه في ماء قبل تعطيها اياه وراح تلاحظ الفرق

رد: استفسار عن العلف

الي ما يبي يشوف الخراج يعلف اعلاف صفراء مع المكعب من واقع تجربه

رد: استفسار عن العلف

وافي=خراج. حتى الحيران لعبت فيها الخراريج من حليب امهاتها!

رد: استفسار عن العلف

علف وافي يسبب خراج لاكنه يكثر الحليب وزين للتسمين

رد: استفسار عن العلف

وافي وافي على اسمه اعرفلك واحد
يعلف منه حلاله البل سمان لا من احسن
من وبرها وشكلها وصحتها وابشر
بالحليب وسئلته عن الخراج
قال والله ماشفته ابدا

رد: استفسار عن العلف

الخلفات برسييييم بس

ولا الربيع الله يجيب السيل

واما لاالمكعب يملّح الحليب مافيها كلام

والوافي ممتاز للتسمين لكن يعطى في البدايه بقدر معقول لا تنبشم الناقه وبعدين خذ راحتك..

رد: استفسار عن العلف

يامرحبا ياعبدالرحمن

الوافي إلى يومك هذا وأنا أعلف الوافي وزين لتسمين الأبل والحليب ولافيه ملوحه بس الأخراج نعم فيه بس مايضر بشئ وإما الخمول ماشفت في إبلي خمول