الفزعه يارجال

السلام عليكم ورحمة الله وبركاته :

أخواني المطايا اللي عندي خف وقل حليبها مدري وش السالفه مع العلم أن العلف ماقصر عنها وأصبحت العنز تحلب أكثر من المطية وش الحل تكفون

رد: الفزعه يارجال

والله مدري


بس هل هي خلفات والا عشاير

النقص له اسباب يمكن دود........او الناقه عشرا يعني كبير حوارها .........او انت مكسبها يعني لقحه


كل شئ له سبب

رد: الفزعه يارجال

مشكور أخوي محمد بن عمير على تفاعلك وردك
الذود ماشاء الله عليه صحته زينه وماعليه خلاف والحيران يمكن الها خمس او ست شهور وبعدين حبيت استفسر عن ابرة الحليب وش رايكم فيها وهل لها اضرار سلبية ياليت تفيدونا

رد: الفزعه يارجال

اذا كنت نازل جدييد بالمراح غيرة يمكن الارض الي انت نازلها (وخيمه)
واذا مكانك ثابت حاول تعلف برسيم او ذره او رودس بس يكون خضر لفتره
يرطب بطونها وماعليها شر ان شاء لله

رد: الفزعه يارجال

مرحبا يالعصيمي وقل اللبن له عدة اسباب قل الطعام وخاصة البرسيم ووقت تشميل العشاير و(الحلاب ) له دور كبير في كثر اللبن وقله .