الشعير التالي ومكعب وافي سم قاتل

ياجماعه ركزو شوي معاي
الشعير والمكعب التالي لعب في الحلال خراريج في بطونها وخراريج في بلاعيمها واكثر هالخراريج داخليه. الحيران فيها خراريج من حليب امهاتها الموضوع ماينسكت عليه امس ماتت علي ناقه والسبب مكعب الوافي ورم في بلعومها في ساعات ظهر وقضا عليها ويوم شرحت مكان الورم الداخلي لقيته خراج داخلي مسكر بلعومها والنواجم عجز الفحل يشيلها من كثرها وكله من الأعلاف التأليه لازم تحلل عن طريق مختبر عباره عن سموم وانا كلامي عل الشعير التالي اللي يقولون وارد الراجحي. ومكعب وافي بعد مادخل في هالشعير التالي وهو يعادل السم القاتل للحلال وأهل المواشي يصيحون بانقطاع الشعير. ولايدرون انهم يشرون سموم لحلالهم ولااعلم وابراي لله انها مقصوده هالسموم في أعلاف مواشي المملكه العربيه السعوديه
نبي تحليييل مختبرات. دلوني وين احلله
ابي الكل يكتب تجربته نبي قومة رجال نبي الصحافه تكتب. نبي حل مشاكلنا

رد: الشعير التالي ومكعب وافي سم قاتل

مرحبا اخوي محمد وحنا متى عرفنا كثر الخراريج ومتى عرفنا ان الابل والحشوان تاكل وبر بعض ومتى عرفنا كثر اللين اللي يروع المفرد معاد تقوم منه وكثر الامراض ماجاء الا عقب الوافي والله يعين البدو اللي من ايد متعافي الى ايد متعافي .

رد: الشعير التالي ومكعب وافي سم قاتل

تبا الحل الحل عندي وانا ابوي هندي
ارفع قضية على الشركة
ارفع قضية على مبارك الدوسري لانه هو اللي ورطنا بسبب دعايته

رد: الشعير التالي ومكعب وافي سم قاتل

مرحبا اخوي محمد وحنا متى عرفنا كثر الخراريج ومتى عرفنا ان الابل والحشوان تاكل وبر بعض ومتى عرفنا كثر اللين اللي يروع المفرد معاد تقوم منه وكثر الامراض ماجاء الا عقب الوافي والله يعين البدو اللي من ايد متعافي الى ايد متعافي .

يامرحبا يامحمد الله يعين اهل الحلال كلهم بس ملاحظتي طلل عمرك على الشعير التالي اللي تشوف لونه مايل لسواد ومكعب وافي من عناصره هالشعير الفاسد في السنوات السابقه كنا نشكي من وافي بس في السنه هذي موت حلالنا والابل مناعتها قاله تصدق اخوي محمد عندي حوار صيفي ابو شهرين كله خراريج من حليب امه

رد: الشعير التالي ومكعب وافي سم قاتل

تبا الحل الحل عندي وانا ابوي هندي
ارفع قضية على الشركة
ارفع قضية على مبارك الدوسري لانه هو اللي ورطنا بسبب دعايته

أنا مع الربع في رفع قضيه ومستعد في المساهمه الماديه التي توزع بالتساوي للأعضاء المنتدى اجور لمحامي يتابع القضيه ويتحدث باسم اهل المواشي وانا متأكد لو حلل مكعب الوافي والشعير في مختبر عالي الجوده كان بانت الامور عل حقيقتها. يااخي المواد الغذائية غشوها موب عجزين يغشون البهايم

رد: الشعير التالي ومكعب وافي سم قاتل

للمعلوميه هالشعير اللي واصل لنا مطبوخ عدة طبخات وماخوذ خيره ولابقو الا. جرم حبة الشعير وياليتهم يخزنونه بشكل سليم

رد: الشعير التالي ومكعب وافي سم قاتل

يامحمد بسألك عن مكان علفك انت مضلله ومبعده عن الرطوبه
اشعة الشمس سمه وكذا البلل
وعموما انا وافي ما استعمله مكعب الصوامع ونشريه من برى

رد: الشعير التالي ومكعب وافي سم قاتل

يامحمد بسألك عن مكان علفك انت مضلله ومبعده عن الرطوبه
اشعة الشمس سمه وكذا البلل
وعموما انا وافي ما استعمله مكعب الصوامع ونشريه من برى

يامرحبا ياسلطان أنا اخزنه في مكان مناسب جداً بعيد عن الشمس او الرطوبه. الاشكاليه في مركبات المكعب وهو هالشعير الجديد ولو غسلته طلع من ماء اسود مثل القار وهو من سوء التخزين في المواني لانه رطب ولايجفف بالشكل المطلوب من وجهت نظري الوكاد ان الأعلاف التأليه من شعير ومكعب هلاك للحلال

رد: الشعير التالي ومكعب وافي سم قاتل

اما بالنسبه للي يسمونه مضغوط فهو مطبوخ ومعصور ويخلط به مكعب
ولي سنتين وشوي اعلف به ما لاحظت شي يمكن مكانك وخام الارض تاثر على الحلال وحشرونا هالحمايه وطلعنا من النفود والى الان ما لاحظت شي الله اعلم
لكن عسى الله يعوضك بابرك من اللي راح منك قل امين ومن الله عوض

رد: الشعير التالي ومكعب وافي سم قاتل

امين ياسلطان والله يبارك لك في حلالك وجعله يسلم من كل شر بس المشكله قائمه مع الاغلبيه والدليل شف العياده ومواضيعها

رد: الشعير التالي ومكعب وافي سم قاتل

مرحبا اخوي محمد ،

انا رحت لمركز الابحاث والمخصص للجمال ، وجلست مع أحد الاطباء وقال لي أن أكثر الحالات الي بدت تزدحم على المركز هي حالات { الخراج } وأكثر الابل الي موجوده في المركز أغلبيتها خراج وهذه الحالة تكاثرت في هذه السنة بشكل كبير وملحوظ ،

ولا اعلم ماهي الاسباب ،


ما نقول إلآ الله يسلم حلال المسلمين يارب

رد: الشعير التالي ومكعب وافي سم قاتل

مرحبا اخوي محمد ،

انا رحت لمركز الابحاث والمخصص للجمال ، وجلست مع أحد الاطباء وقال لي أن أكثر الحالات الي بدت تزدحم على المركز هي حالات { الخراج } وأكثر الابل الي موجوده في المركز أغلبيتها خراج وهذه الحالة تكاثرت في هذه السنة بشكل كبير وملحوظ ،

ولا اعلم ماهي الاسباب ،


ما نقول إلآ الله يسلم حلال المسلمين يارب

يامرحبا يابدر وفعلا هالسنه وبعد أزمة الأعلاف جتنا الامراض والخراريج. وكله من الشعير ومكعب وافي

رد: الشعير التالي ومكعب وافي سم قاتل

والله اللي ما بلانا الا هالشعير التالي وارد الراجحي ووافي لابارك الله فيهم ان كانهم ذبحو حلالنا وحلال المسلمين (برسيم + تبن كرمتم ) وبس خلو الشعير زمان الشعير روح مع الاسترالي ولاعاد فالسوق الا اوربي واردى انواع الاوربي
الله يحفظ حلالنا وحلال المسلمين

رد: الشعير التالي ومكعب وافي سم قاتل

بصراحه انا علفت وافي 7 شهور ولا شفت من الا الشعره الزينه والشحم وزين الحلال لا خراج ولا غيرة
وانقطع له حلحين 6 شهور والحلال طيب ولاعندة خلاف ولا نزل الا الخلفات شوي وهن بخير من فضل الله
لي 6 شهور دراهم الوافي اشتري فيها برسيم واحطه على البرسيم الاساسي
من زود في زود

رد: الشعير التالي ومكعب وافي سم قاتل

والله اللي ما بلانا الا هالشعير التالي وارد الراجحي ووافي لابارك الله فيهم ان كانهم ذبحو حلالنا وحلال المسلمين (برسيم + تبن كرمتم ) وبس خلو الشعير زمان الشعير روح مع الاسترالي ولاعاد فالسوق الا اوربي واردى انواع الاوربي
الله يحفظ حلالنا وحلال المسلمين

الله يزينها ياعبدالله