الفزعه بكره حقه

بكره حقه لها ثلاث شهور وهي ذراق جربت البياطره وادويتهم
تطيب وتوقف ذراق وقت العلاج وبعد اسبوع من انتهاء العلاج
تعاود الذراق حالتها تردت وقابليتها للعلف ضعيف جدا وش العلاج
الشعبي المفيد الله يجزاكم بالخير لاتبخلون علينا.

رد: الفزعه بكره حقه

مرحبا يامتعب من وصفك هذا السلاق وما له علاج في الوقت الحالي وللتاكد رح لرجال يبخص وبدوي او دكتور بيطري مشهود له .

رد: الفزعه بكره حقه

هذ1ي مواري السلاق ويجب عزل البكره بالنسبه للعلاج لايوجد طبيا

رد: الفزعه بكره حقه

مابعد اخواني اللي سبقوني كلام ابد ابد

الله يشفيك بكرة

رد: الفزعه بكره حقه

مشكورين الله يعطيكم العافيه على النصيحه وسوف اتبع مانصحتم
به علما ان اهل الشمال يقولون هذا مرض الهمار ماله علاج
السؤال هل الهمار هو السلاق (يعني المرض واحد والمسميات تختلف
من منطقه الى منطقه)

رد: الفزعه بكره حقه

أرحب يا متعب

سؤال : هل جربت علاج الدود

أتمنى إنك تجرب علاج الدود قبل أتخاذ أي قرار

مع العلم بأني أنصح أولاً بعزل البكره في شبك لحالها وخل عندها علفها وأكرمها
وفيه نوع من الشراب ممتاز للدود لا يحضرني أسمه

أو أعطها حبتين من النوع المركز وبعد أسبوع عطها حبه وبعد أسبوع عطها حبتين يعني بعد 14 يوم من الحبتين اللي أول يوم.

واصبر أسبوع .. وكرر نفس العملية وبإذن الله إنها بتطيب

وخلال هذه المدة خلها معزوله في شبكها .. وحاول تنظف الشبك أول بأول
وبالنسبة لدمنها الله يعزك ويعزع الجميع .. حاول أنك تفهم العامل يجمعه في كيس شعير وحاول تتخلص منه بعيد من العزبة ولا حرقته يكون أفضل
لأنه لو ما فاد فيها العلاج فممكن يكون اللي معها سلاق وفيه مضره كبيرة على حلالك وحلال المسلمين لأنه معدي ولا له علاج.


وسلامتك