علاج الشوكة .......... ؟؟؟

وش افضل علاج للشوكة
سواءً شعبي أو بيطري
عندي بكره حقه معها الشوكة ولها شهر من يوم جتها اول مابه ماتاكل وتجنب عن امهاتها وتبرك بعيد عنها وتميل على جنوبها مره يمين ومره يسار وخاطرها شين
وعطيتها من العلاجات لين سمحت منها
المهم طابت الحمد لله قامت تاكل وتشرب ووضعها لاباس فيه
بس مشكلتها بعض الاحيان تجنب عن الابل وتقول تسبر لها شي وتعود على امهاتها ووجهها لازال شين ؟
افيدونا جزاكم الله خير

رد: علاج الشوكة .......... ؟؟؟

الشوكه صابت قعود حق عندي ونصحني راع ابل صاحب خبره بعلاج سهل وميسر وهو عباره عن بصل وثوم يطحن ويخلط بجيك ماء ابو ثلاثه ريال وينقع لمدة ثلاث ساعات

ثم يحقن بحلق القعود وزيت سمسم مايعادل جيك الماء ابوريالين تقريبا يحقن كامل الكميه داخل الفم وبعد ثلاث ايام تحسن القعود واللحين ماشاء الله سمين وطيب بالحبل

رد: علاج الشوكة .......... ؟؟؟

اخوي احمدسالم جزاك الله خير على الافاده
لكنك لم تذكر الكميه كم راس بصل وثوم// وهل تعطى مره واحده او تعاد لها الجرعه
لان انا عندي حالة وسمتها ولاصاد الوسم

رد: علاج الشوكة .......... ؟؟؟

أنا عندي نفس الحاله الي ذكرها أخوي مطلق وسمتها ولا أفدني وعطيتها من الأدويه ولا أفدني

ويليت تفيدونا يأهل الخبره

يعطيك العافيه أخوي مطلق على الموضوع

رد: علاج الشوكة .......... ؟؟؟

اخوي احمدسالم جزاك الله خير على الافاده

لكنك لم تذكر الكميه كم راس بصل وثوم// وهل تعطى مره واحده او تعاد لها الجرعه

لان انا عندي حالة وسمتها ولاصاد الوسم

اخوي ناصر الكميه غير محدده يكفي 3او 4 حبات بصل مع 8 فص ثوم اهم شي تخلط وتنقع زين وزيت السمسم اقل شي جركل ماء ابو ريالين00 انا عطيتها القعود مره واحده

وااللحين ماشاء الله طيب بالحيل00

رد: علاج الشوكة .......... ؟؟؟

السلام عليكم ..
ياجماعة الخير ترى الشوكه اهم اعراضها 1/ رأس الدمن _ أكرمكم الله _ مدبب من الجهتين.
2/ الدمن يخرج يابس .
أما اذا الناقه تستدخل وتسدح وتتقلب بس ولا تاكل مع عدم وجود الاعراض اللي ذكرت فهذي فيها تلبك أومغص فقط ،، وفي هالحالة تعطيها مليّن للبطن
مثل البرسيم الأخضر (الرطب) ،، أو تلقى عند البيطريين بودره تلين البطن
والله لايورينا وياكم مكروه

رد: علاج الشوكة .......... ؟؟؟

اذا هي شوكه لها كيه مكان الكليه مثل المشط

رد: علاج الشوكة .......... ؟؟؟

الله يعطيكم العافيه على ردودكم الطيبه
لاكن فيه سؤال لخوي أحمد
الحين بعد اعطيها البصل والثوم اعطيها زيت السمسم على طول
والا انتظر يوم ؟ للإفاده
انا احس ان البصل والثوم مع الماء والزيت في وقت واحد موجعه للبكره ؟

رد: علاج الشوكة .......... ؟؟؟

بعدين فيه بيطري مصري في الجنادرية
يقول عطني عينة دم واشوفها لك
بس انا ماني مقتنع من البيطريين احس انهم على عماها يعطي علاجات وش رايكم .

رد: علاج الشوكة .......... ؟؟؟

الله يعطيكم العافيه على ردودكم الطيبه
لاكن فيه سؤال لخوي أحمد
الحين بعد اعطيها البصل والثوم اعطيها زيت السمسم على طول
والا انتظر يوم ؟ للإفاده
انا احس ان البصل والثوم مع الماء والزيت في وقت واحد موجعه للبكره ؟

نعم بنفس اللحضه اخوي مطلق

رد: علاج الشوكة .......... ؟؟؟

الحقيقه اني حللت البكره وقالوا لي مافيها شوكة بكرتك معها التهاب حاد جداً ( جرثومه )
وعطيتها العلاج اللي قلت يا أحمد ما فاد معها بشي يعني شكلها ماهي شوكة
وعطوني علاجات وللحين ما استخدمتها وبشوف عنها
لاكن فيه سوال لعبداللطيف الحين دمن البكره او الناقه اللي معها شوكه يجي مدبب أو محرب من الجهتين ؟ للإفاده