النثاث وانفجار الاذن

بسم الله الرحمن الرحيم

السلام عليكم ورحمة الله

يا اخوان عندي بكره غاااليه على الازهر سافرت في اجازه وعودت لقيت وحده من اذانيها مرتخيه عن الثانيه والعامل ما انتبه لها

جبت الطبيب ويقول انه صاب البكره نثاث وتاخرنا في علاجه والحين انفجرت الاذن الوسطى

وعطانا ابر مضاد حيوي 4 جرعات يوم عن يوم


وش تشورون علي ... البكره والله شيخة ابلي كلها وخبرتي في البل ما تسعفني

رد: النثاث وانفجار الاذن

ممدوح المضاد بقى فيه شي يعني الجرعات الاربع كملتها ولا لا
الشي الثاني هل فيه تحسن بعد الجرعات
الشي الثالث اسم المضاد وغريبه يوم بعد يوم المضاد
والتهاب حاد في الأذن والمضاد هو العلاج بس تأكد لي اسم المضاد ليتم الاتصال على دكتور متخصص وأخذ استشارته وتمرريرها لموضوعك

رد: النثاث وانفجار الاذن

تابع العلاج والمضادات الحيويه طويلة المفعول تعطى يوم وترك الا في حالة استخدامها بالوريد تعطى يوميا ويرمز لها بالحرفين L/A

رد: النثاث وانفجار الاذن

ما ازيد على الأخوان وخصوص ليا دخل محمد والوهبي والدكتور عيد المنصوري في الموضوع

ولكن سبق ان صار مثل هالحاله في أحد الحيران عندي وعطيته المضاد من الصيدلي وزيت زيتون داخل الأذن المصابه كم من يوم وسلم وتعدلت اذنه بعد كذا

يعني لاتخاف ان شاء الله تطيب بكرتك

رد: النثاث وانفجار الاذن

سبق وحصل عندي في قعود التهاب في الاذن ويطلع منها صديد

مما سبب له ارتخاء بالاذن وافرازات كثيره ومريت الصيدليه وعطاني مضاد حيوي

( ابرة بنسلين ) يوم بعد يوم على ثلاث فترات

والحمد لله من ثاني ابرة وهو طيب وبخير

رد: النثاث وانفجار الاذن

لا اضافة على كلام الاخوان سوى التأكد من أن خشم البكرة مفتوح

حتى تتمكن من التنفس بشكل طبيعي

رد: النثاث وانفجار الاذن

بيض الله وجيهكم جميعا

فعلا على هالمضاد من ثاني جرعه طابت البكره والحمد لله

بارك الله فيكم انا اللي كاتب الموضوع نسيته وانتوا ما نسيتوا تفزعون لأخوكم

وفقكم الله