الفحل ما تطلع هدارته

السلام عليكم ورحمة الله وبركاته

يأهل الخبرة والمعرفة شريت لي فحل من سنتين يوم شلته بالدنة الهدروليك بعدها ما طلعت الهدارة واشوف فيه ورمة في حلقة واضنها الهدارة وجبت رجل يعالج شعبي شاف الفحل وقال اذا هاج الفحل تبي تظهر الهدارة وله سنتين ما طلعت الهدارة وهاج واضرب الفحل ولكن الهدارة ما تطلع

الي عنده علم او جاته الحالة ذي جعلها ما تجي احد في حلاله يفيدني يالربع

رد: الفحل ما تطلع هدارته

حياك الله ياناصر

ان كان البعير ماهو مريض

ترى ماهوب شرط ان الهدارة ( اللهاة ) تطلع كثير من الركاب ماتطلع لهاته وهذ ا شي طبيعي ماهو مرض

الا ان كان البعير اللي عندك كانت تطلع لهاته قبل وذا الحين ماعاد طلعت فهذا شي ثاني

رد: الفحل ما تطلع هدارته

ناصر الله حيه يعلك بالف خير وسلامه
البعير حاله زين ويأكل ؟
اذا الجواب بنعم. فلا تطبب فيه وبعض البعارين ماتطلع هدارته للمعلوميه

رد: الفحل ما تطلع هدارته

السلام عليكم
الاخ ناصر انشاء الله مافية الا الخير
انا عندي بعير هالسنة رباع
يومة جذع تطلع لهاته وهالحين ماتطلع
ولافيه الا الخير انشاء الله

رد: الفحل ما تطلع هدارته

أخوي ناصر هذا شي طبيعي إذا طلعت الهداره الحين وبعدين ماتطلع إذا هو ياكل ماعليه خلاف

بس حلقة منتفخ؟يمكن شي ثاني غير الهدارة

أتمنى أني أفدتك

شكراً

رد: الفحل ما تطلع هدارته

الانتفاخ ب الحلق اما التهاب او ان اللهاه مخزنه علف ويجب تنظيفه

رد: الفحل ما تطلع هدارته

بعيرنا كانت تطلع لهاته ويهدر يومه لقي ويوم صار جذع معاد تطلع صار ليا هدر تنتفخ لهاته داخل حلقه وله اكثر من اربع سنين ماتطلع هدارته وهذا شي طبيعي

رد: الفحل ما تطلع هدارته

السلام عليكم ورحمة الله وبركاته


الله يوفقكم ويبارك بحلالكم واخونا المسلمين

بالنسبة للفحل يأكل عادي ويشرب وصحته ما فيها خلاف وكانت تظهر لهاته قبل ومن شالته الدنه ماعاد ظهرت
لكن الورمة اللي بالحلق اكيد أنها لهاته واخشى انها تسبب له مشاكل بعدين

الله لا يهينكم جميعا مشكورين وماقصرتو على التجاوب جعلكم ما تشوفون شر

رد: الفحل ما تطلع هدارته

السلام عليكم
عليك بالخل
بس لاتكثر علبه وحده خل ابيض
قبل البل كلها تتفخت حلوقها

وحطينا خل مع الماي وخفت ثاني يوم

هو التهاب يمكن