الحرد او الحرده

[align=center]السلام عليكم
بغيت استفسر من ذالمرض له علاج ولا لا
عندي قعود ومواريه زينه لكن فيه حرده
كويته مطرقين مكان العقال واحد فوق المفصل والاخر تحته
لكن ماتغير شي
بغيت استشيركم وش اسوي به
ومشكورين مقدما[/align]

الاخ ابراهيم بن سحمي
هل القوائم سليمه ووقفة القعود معتدله
وهل الحرد بزاويه كبيره ام عادي بمعنى عندما يمشي يلاحظ عليه الحرد

[align=center]يامرحبا ياعيد
القعود وقفته ومسيره ماتلاحظ عليه شي
لكن اذا قام يربع شفت الخله فيه
ايهبد بيده [/align]

الاخ عيد
وعندي نفس الشي... وقفته سليمه لاكن لامشى يرفع يده ويهبد
ولا كويته
اخوك

وعليكم السلام

عندنا قعود نفس الطريقه وقمنا وكويناه خلف الخف في الوسط

وبعد يوم شفي

ودمتم

والله اعلم

الاخوه الاعزاء جميعا
مرحبا ومسهلا والفين غلا
يتبين لي ان الحاله غير الحرد فالحرد ان يكون اسفل القدم منحرف الى الخارج قليلا
اما ماتم ذكره فنطلق عليه اسم الخطل وعلا ماته ان يد المصاب خاصه عند الركض تراهاه مثل اللي ماياطا عليها وهي
لها عدة درجات حسب قوة الاصابه
بالنسبه للحرد نستخدم حبوب النحاس لتقوية مفصل الرسغ وشده فقط حبتان نحاس وبعد عشرة ايام نعيدها مره
اما بالنسبه للخطل فالمعروف هو الكي فيكوى فوق الركبه من الداخل مطرقان عرضيان وهو بحاجه لشخص خبير بالكي ويعرفه كثيرا اصحاب
سباقات الهجن والادويه اللتي تفيد معه قليلا هي فيتامين بي 1 وفيتامين ه مع حبوب النحاس
بعض الاشخاص يعمد الى غسل اليد المصابه بالسم المركز مع الماء ويقولون ينفع ولم اجربه شخصيا والغسل كل ثلالث ايام مره

تقبلوا تحيات مغليكم

الاخ عيد المنصوري

طال عمرك على الطاعه

عندي ناقه تحرد من ايدها ولا قدهي تسير اي كنها تهبد ومعها ذا الحاله من اربع اسنين

وعطيتها حبوب النحاس ولا فادت

وقالولي ان علاجها بعد الله الكي وانت قلت في كلامك ان ذا خطل

لكني معرفت الخطل

وذا الحرده لها كي ياليت تعلمني به

اخيك

ابو خالد

[align=center]لاهنتو جميع على ردودكم
اخوي عيد
مادري وش تقصد منحرف للخارج اللين هو لا وش قصدك
والقعود يوطا عليها لكنه ايهبد بها ماهي مثل ايده السليمه
وهقوتي اني بكويه لاتفرغت من الداخل على قولتك
الله ينفع بكم في ذالمنتدى [/align]