فدوووووووونا وأرشدوووووونا يارجاااااااااال

السلام عليكم ورحمة الله وبركاته
مبارك عليكم الشهر
ياللحوات الغانمه عندنا قعود طيب جداً جداً جداً والظاهر انه في مرض ((السلاق)) ناشفن جده ومكله شوي ودايما يبرك وبطنه يمشي شبه دايما وانتكس 180 درجه؟
واللي يعرف المرض هذا يكون مجرب وفاهم الله يجزاكم خييييييييير ويعطينا الحل

رد: فدوووووووونا وأرشدوووووونا يارجاااااااااال

الله وأعلم اللي بالقعود (( دود )) وليس سلاق


في البداية أنصحك بعزل القعود
وبعدين أعطه أبرة ديكتوماكس حسب سنه
وبعد 14 يوم أعد الجرعه مره ثانية

وبعدها أعطها شراب الدود الأمريكي على جرعتين طبعاً
والكمية حسب أستشارة البيطري

رد: فدوووووووونا وأرشدوووووونا يارجاااااااااال

بيض الله وجهك على كل حال اولا انا عزلته من اول ما انتكس حاله وعقبه ما ياكل ؟؟ بس بطنه يشمي فيه((ذراق)) عزك الله

رد: فدوووووووونا وأرشدوووووونا يارجاااااااااال

بيض الله وجهك على كل حال اولا انا عزلته من اول انتكس حاله وعقبه ما ياكل ؟؟ بس بطنه يشمي فيه((ذراق)) عزك الله

ووجهك يا عبدالرحمن

الدود في بعض الأحيان أعراضه مشابهه للسلاق
وكثير من الأخوان يختلط عليه الأمر في البداية

ودامك عازله فأعطه أبرة الدود اليوم وبإذن الله بتنفعه ما تضره وأنصحك بالدكتوماكس الزرقاء
ومثل ما قلت لك .. فيه شراب الدود (( الأمريكي )) جداً ممتاز
أعطه الجرعة الكافيه حسب عمر القعود ومثل ما يقولك البيطري

بالنسبة للذراق الله يكرمك .. هل له رائحه كريهه جداً
أما ذراق عادي

وكم عمر القعود

رد: فدوووووووونا وأرشدوووووونا يارجاااااااااال

وعليكم السلام ورحمة الله وبركاته ،،

أخوي عبدالرحمن إذا فيه صور لربما تخدمناا في توجيهك للعلاج وعرض حالة القعود لإصحاب الخبرة ولاطباء ،،

يعطيك الف عافية ياليت تصور لنا القعود وتصور حالته وتعطينا معلومات إذا انت عالجته ولالا ؟؟

علماً بإن أبوفيصل ما قصر في توجيهك ،،

رد: فدوووووووونا وأرشدوووووونا يارجاااااااااال

لا والله الا ماله ريح وسنه لقي ولاهنت على كل حال

رد: فدوووووووونا وأرشدوووووونا يارجاااااااااال

ارررحب ياخوي بدر تراحيب المطر لا والله انا ما علجته خوفا عليه لكن عزلته اخاف يعدي امهاته وبعدين انا بوديه الاحساء الظاهر لاهنتوااااااااااااا

رد: فدوووووووونا وأرشدوووووونا يارجاااااااااال

لا والله الا ماله ريح وسنه لقي ولاهنت على كل حال

هذا دود وأنا أخوك

وما دام سنه لقي
أعطه 15 مل وبعد 14 يوم عطه 15 مل ثانيه

بالنسبة للشراب
عليك بالأمريكي .. سعره 100 ريال
أعطه نصف الغرشه .. وشرط تكون على الريق من الصبح وتمنعه من الأكل والشرب ما يقارب الـ 5 ساعات
وكرر نفس الخطوات بعد 14 يوم وأعطه نصف الغرشه الثانية.

بالأنسبة للأدويه الأفضل أن تحفظ في مكان بارد .. إلين يجي موعد الجرعه الثانية
لأن بعض الأخوان يترك الدواء في العزبة ومع الحرارة تتلف الأدوية ولا يحصل نتيجة من أعطاء الدواء
لأن الحرارة تعدم المركبات الدوائية.


وسلامتكم

رد: فدوووووووونا وأرشدوووووونا يارجاااااااااال

لاهنت ياذيبان وبيض الله وجهك

رد: فدوووووووونا وأرشدوووووونا يارجاااااااااال

كلام
اخونا فهد هو الصواب بأذن الله

رد: فدوووووووونا وأرشدوووووونا يارجاااااااااال

شعر القعود وشوا قايل ؟

وانصحك تحلله من السلاق للتأكد والقيمة بحود 150 ريال

مجرد تأخذ عينه من الدمن ( من داخل المدمن ) أعزك الله

وللاطمئنان يمكن تحلل شامل مع الدم ايضاً

وعلى ضوئه تقدر تشخص الحالة