الناقة ضعيفة جدا

السلام عليكم
يالربع انا عندي ناقة بلشت فيها الناقة شريتها لقحه ولدت
عندي ومافيها الا العافية لاكن مرة الناقة اكلت خبز وانغثت
وسلمها الله لاكن من ذاك اليوم والناقة حالها جلد على عظم
عطيتها حبوب الدود وابرة الجرب وابرة الهيام ولا فيه فايدة
الناقة ممشاها زين واكلها زين لاكن حالها ماهو زين
يالربع اذا فيه احد عنده وصفه شعبيه والا مرت عليه الحاله
يلحقنا بها
وكل عام وانتم بخير انشاءالله

رد: الناقة ضعيفة جدا

مرحبااا اخوي صالح المحمدي فيه عدة وصفااات

- الثوم تعطيهااا كل يوم في لقام ولا تحطه في ماء

- السم انا مجربه تاخذ خمسه ولا سته سم وتعطيها الصباح بدري انتبه تاكد انه جديد ولا تعرض للشمس

وتقبل تحياااااتي

رد: الناقة ضعيفة جدا

وش عمر حوارها ؟

رد: الناقة ضعيفة جدا

عمر الحوار سبعة شهور
ولا اتوقع ان السبب الرضاعة لانني
افك الحوار المغرب ثم اشمل امه ولا نحلبها
والعلف كوم

رد: الناقة ضعيفة جدا

صالح بعض الابل مافيه أحسن من حالها وعقب ماتلد يتغير حالها ويصير فيها ضعف جلد وعظم
وبعد ماتفرد حوارها عنها وتلقح تعود تردم شحم
عندي عشاير مثل حالة ناقتك وشلت عيالها عنها قبل عشرين يوم وكني أشوف أحوالها تغيرت للأفضل
وانت أعطيتها الادويه المناسبه من قبل ولافاد
طلما اكلها وخاطرها طيب فاعرف ان بلاها من عطفتها وحوارها هي اللي قالبه حالها حتى لو حوارها مايرضع واجد نفس الاشكاليه
وهالكلام من واقع تجربه ياصالح ان كان الحوار سمين وطيب انصحك ببيعه
واذا هو طيب راس وساس أعزله وادعمه بالاعلاف المناسبه وشف له ناقه عندك وأحلبها له في طاسه وخل امه تغرز

رد: الناقة ضعيفة جدا

هذا حال العشاير لابد من الضعف لانه يجماعه عليه ضغط صيف وحوارها يمصها ليل ونهار لابد من الضعف لاكن حاول تعطي العشاير علي الاقل ثلاث وجبات باليوم وتفطم ولدها من يتعد سبع شهور

رد: الناقة ضعيفة جدا

اخوي شف (دمن الناقه )الله يكرمك
اذا هو حاد من الراس او يصير زي الشوكه من الطرف فهذا يا طويل العمر اسمه ( الشويكه ) ولها كويه يعرفونها هل البل اسأل عنها
اما اذا ما فيها ماذكرت فالعلم عند الله

رد: الناقة ضعيفة جدا

الاخوان ماقصرو
بس لي تعقيب على الاخ المري

اذا يقصد عط الناقه سم الي هو الجارة 5 سم بدون تخفيف بالماء

اقول لك ياراعي الناقه انتبه تعطي ناقتك جارة بدون تخفيف ابد ابد (( تموت فورا )) مايمديك تطلع من الشبك الا نفسها فايضه

وهذا مهوب خرص ولا توقع شوف عيبني في ناقتين

واذاالمقصود بعد التخفيف ياليت يوضح لنا مقدار الماء وش كثر ؟؟


وبخصوص الشوكة استبعد ان علة الناقه شوكة لانه اول مايبين في اكلها قبل الدمن

انا اوافق التميمي في الراي (( طلما اكلها وخاطرها طيب فاعرف ان بلاها من عطفتها وحوارها هي اللي قالبه حالها

رد: الناقة ضعيفة جدا

الاخوان ماقصرو
بس لي تعقيب على الاخ المري

اذا يقصد عط الناقه سم الي هو الجارة 5 سم بدون تخفيف بالماء

اقول لك ياراعي الناقه انتبه تعطي ناقتك جارة بدون تخفيف ابد ابد (( تموت فورا )) مايمديك تطلع من الشبك الا نفسها فايضه

وهذا مهوب خرص ولا توقع شوف عيبني في ناقتين

واذاالمقصود بعد التخفيف ياليت يوضح لنا مقدار الماء وش كثر ؟؟


وبخصوص الشوكة استبعد ان علة الناقه شوكة لانه اول مايبين في اكلها قبل الدمن

انا اوافق التميمي في الراي (( طلما اكلها وخاطرها طيب فاعرف ان بلاها من عطفتها وحوارها هي اللي قالبه حالها

انا اوافق اخوي وافـي في كل ماقالـه ..

والجارّه ( السم ) انتبه تقربهااا .. !!

الناقه كان تحتها قعـود اقشطه فالسوق .. !

ترى بلاها من الحوار ويمكن لامسها ( سمال ) كانها تاكل الدمن وانتم بكرامه .

والناقه طقها بأبرة جرب أمريكيه اللي ماهيب امريكيه فاشله ماتنفع

رد: الناقة ضعيفة جدا

السلام عليكم

يالربع انا عندي ناقة بلشت فيها الناقة شريتها لقحه ولدت
عندي ومافيها الا العافية لاكن مرة الناقة اكلت خبز وانغثت
وسلمها الله لاكن من ذاك اليوم والناقة حالها جلد على عظم
عطيتها حبوب الدود وابرة الجرب وابرة الهيام ولا فيه فايدة
الناقة ممشاها زين واكلها زين لاكن حالها ماهو زين
يالربع اذا فيه احد عنده وصفه شعبيه والا مرت عليه الحاله
يلحقنا بها

وكل عام وانتم بخير انشاءالله

السلام عليكم ورحمة الله وبركاته
أخي صالح انت حددت السبب بنفسك واذا عرف السبب بطل العجب ناقتك انغثت حسب قولك معناه ان بلاها في بطنها ميحتاج ابرة جرب والا هيام خذلك مضاد حيوي من البيطري واضربها اربعة ايام وامنعها من الشعير خلال العلاج وان شاء الله ماتشوف الا العافيه مع احترامي لرأي الاخوان اللي قالوا بسبب الحوار طيب باقي البل اللي ترضعها حيرانها وراها مسوت سواتها
ارجو اني افدتك

رد: الناقة ضعيفة جدا

اخوي ناقتك فيها مساااح اكثر مايصيب العشاير خصوصااا في القيض
وعلاجه مويه لونها اخضر تلقاها في الصيدليات
واذا ماعالجتها عادي اذا برد الجوو بتطيب
وانت لاتخليها بهل ابد شملها وابهل
على ولدها كل صبح ومغرب
هذا والله اعلم

رد: الناقة ضعيفة جدا

عندي ناقة بنفس وضع ناقتك ما شرهت عليها في شي غير ان اكلها مهوب كثير فتجد اماتها تاكل العلف وتكمله وهي ماشبعت قمت انا وعزلتها وخليت علفها لوحدها وراقبتها ووجدتها لاتاكل كثير ويمسي الزاد عندها واجي الصبح والقاها ماكلته بمعنى انها تاكل متى مابغت ولاحولها ابل تخاشرها او تخلصه عليها بعد فترة تغيرت وزانت واشحمت وغدا شرها