احد يعرف هذا المرض يوجدصور

ياالربع عندي هذي الناقه فيها هذا المرض وله اكثر من تسعه اشهر
ارجومن الي يعرفه يفيدنا باسمه وعلاجه الناقه تهرش في منحرها
وارجولها تحكه ودمتم بخير وعافيه

رد: احد يعرف هذا المرض يوجدصور

هذا مثل ماهو واضح جرب

رد: احد يعرف هذا المرض يوجدصور

هذي مخابط جرب
ابرة ديكتوماكس هي الافضل وغير المكان بقدر الاستطاعه

رد: احد يعرف هذا المرض يوجدصور

هذ ياطويل العمر هذا جرب بس جرب مزمن عطها ابره الجرب الي علبتها سودا ٢٥سم وبعد أسبوعين عطها ثانيه

الله يشفي ناقتك وإنشاء بهالطريقه تسلم

اتمنى أني افدتك

رد: احد يعرف هذا المرض يوجدصور

ياالربع الناقه مع مجموعة ابل وجاني اكثر من واحد وقالو ماهوب
جرب وخليتها مع الابل مادري يمديها اعزل الناقه من شان العدوي
وايش الطريقه في الابل الي معها افيدوني جزاكم الله خير

رد: احد يعرف هذا المرض يوجدصور

مايضر اذا دقيت الابل كلها وتفيد البل
والسم يخفف وترش بشكل أسبوعي
وحاول تغير الحوش بقدر الاستطاعه

رد: احد يعرف هذا المرض يوجدصور

الربع ماقصروا

رد: احد يعرف هذا المرض يوجدصور

عطها

افوميك"الامريكي" بـــ100 ريال


واعزلها عن البل ايلين تطيب


هذا جرب

رد: احد يعرف هذا المرض يوجدصور

الابره السوبر زينه لها الاميركيه السودا

وفيه طريقه مجربها انا وانفعت المطيه اللي انا عالجتها فيها

اخذ دهن طبخ وحطه في طاسه وحط عليه سم قوته 60واخذ لك قطعة قماش وغرقها من الدهن والسم وامسح محل الجرب اللي في ناقتك يوميا وان شاء الله بتطيب منه

رد: احد يعرف هذا المرض يوجدصور

تبي نصيحه مجرب ..

عليك بالايل المحروق .. ايل سيارات مستعمل خذه مع شويه سم .. وادهن به الناقه بين الثلاث ايام مره .. وانته والخير مع بعض ان شاء الله ..

جربته على ناقه عندي .. ما نفع معاها لا ابر .. ولا غيره .. وتمكن منها لانها كانت مدني ومقرب تلد .. بس للاسف .. بسبب هالظرف تفشى فيها الجرب...وزاد .. وانتقل لحوارها .. ما لقيت قدامي غير اني اجرب تجاربي الخاصه .. جبت لك ايل سيارات محروق .. ودهنت به الناقه بدون اي اضافات .. والحمد لله .. النافع الله .. بس القعود كونه صغير وفتره الصيف .. من حطيته عليه .. الايل كان حار عليه .. مرض عليه وجته الحمى بسببه .. وعرفت انه للصغار ما ينفع بس للكبار توكل على الله ..وجربته بعد للتاكيد على ابل ضربها الجرب عندي .. والحمد لله تعافت .. ولا فيها الا العافيه ....

رد: احد يعرف هذا المرض يوجدصور

بدون شك هذااا جـــــــــــــــــــــــرب

رد: احد يعرف هذا المرض يوجدصور

الابل طعمها من الجرب واغسلها بدواء الجرب

وشد من محلك يامنصور

وبعد اسبوعين كرر العمليه ....وبااذن الله تسلم

رد: احد يعرف هذا المرض يوجدصور

يالربع علاج الجرب لا ظهر تغير المراح والله ماينفع ابر ولا طلي لأنه وباء ويقعد سنين بالمكان اللي ظهر فيه