وش علاج الحساسية..

تقبل الله منا ومنكم الصيام والقيام

عندي بعض الحيران جاها مرض مثل حساسيه الجلد

وعطاني لها الصيدلي حبوب ناسي اسمها وقال ادهنها بـ فازلين

وطلعت عليها الزراعه وعطوها ابر ولا نفع معها العلاج واعدت باقي الحيران

اذا مرت عليكم وش علاجها؟؟

رد: وش علاج الحساسية..

تقول جرب تقول جدري تقول فطريات !!؟؟ غريب هالمرض الله يشفي حلالك

انتبه للابل لا تعدي بعض ياحمد

وكخطوة وقائية عليك برش الابل السليمة بالجارة والمراح

ونشوف راي الاخوان

رد: وش علاج الحساسية..

امسح عليها بالزيت اللي يقلى فيه السمك وسترى باذن الله مايسرك

رد: وش علاج الحساسية..

ابرة الايفوميك السوبر الامريكيه فعاله جدا
وهي تحت الجلد
جرعتين الجرعه الثاني بعد 15 يوم
ترشها جاره مخففه وهذي مخابط جرب في مراحل متقدمه
اعزل المصاب ونفس الجرعه

رد: وش علاج الحساسية..

ما قصرتوا

لكن هذا ماهو جرب لاني عطيتهن ابرة الجرب

ورشيت الابل والمراح بــ جاره ولا نفع

الي مرت عليه هالحاله يفيدنا...

رد: وش علاج الحساسية..

ما قصرتوا

لكن هذا ماهو جرب لاني عطيتهن ابرة الجرب

ورشيت الابل والمراح بــ جاره ولا نفع

الي مرت عليه هالحاله يفيدنا...

وش نوع الابره حقت الجرب اللي استخدمتها ياحمد؟
وامراض الجلد بشكل عام ابرة الجرب كافيه كعلاج ووقايه
بس ابره من ابره تختلف بالمفعول ياليت تعطينا انواع الادويه المستخدمه

رد: وش علاج الحساسية..

بيض الله وجهك يالتميمي

عطيتها الابره الزرقا

رد: وش علاج الحساسية..

اعزل الناقه ياحمد بعيد عن البل ولاتخليها تاصلهم ولا يوصلونها لاتعديهم واعزل كل الي جاها هالمرض

والله ياخوك شي غريب الله يشافيها

طلع لها طبيب يشوفها او اخذ صورها وورها الدكتور وشف وش يقولك

وش مجراها خلفه هي ولا لقحه

رد: وش علاج الحساسية..

مرحبا ياحمد مره ثانيه
ابرة ديكتوماكس فعلا للجرب بس تركيزها الاول على الدود
بنسبة لتركيز على الجرب خذ الامريكيه السوبر سعرها 95 ريال تحت الجلد
وان نفع ولا لايوجد ضرر ياحمد انا متاكد انها بتتعافى
ولي تجربه في هالموضوع

رد: وش علاج الحساسية..

اعزل الناقه ياحمد بعيد عن البل ولاتخليها تاصلهم ولا يوصلونها لاتعديهم واعزل كل الي جاها هالمرض

والله ياخوك شي غريب الله يشافيها

طلع لها طبيب يشوفها او اخذ صورها وورها الدكتور وشف وش يقولك

وش مجراها خلفه هي ولا لقحه

حياك الله يابو غنام

كلها حيران

رد: وش علاج الحساسية..

مرحبا ياحمد مره ثانيه
ابرة ديكتوماكس فعلا للجرب بس تركيزها الاول على الدود
بنسبة لتركيز على الجرب خذ الامريكيه السوبر سعرها 95 ريال تحت الجلد
وان نفع ولا لايوجد ضرر ياحمد انا متاكد انها بتتعافى
ولي تجربه في هالموضوع

بيض الله وجهك

بجربها وان شاء الله انها تسلم من هالمرض

رد: وش علاج الحساسية..

جربت الابره الي قلت يابو صالح ولا نفعت معها

الي قد مرت عليه هالحاله يفيدنا

رد: وش علاج الحساسية..

الحاله ذي ياحمد قد مرت علي في حاشي بس مانتشر بالطريقه ذي اقل شوي بدايته انتشر في نحره
وهي حساسيه مثل ماقلت
و عالجته بالفازلين ادهنه صبح ومساء مع ابرة الجرب مره وحده ورش بالجاره ليــن فكه الله

على العموم الحاشي ان كانك حاطه في شبك تلقاه يحك عمره على الشبك وهو الي خلاه ينتشر بالصوره ذي او حوله مكان يحتك فيه
مع البرد يمكن يزيد عليه سو الطريقه الي قلت وان شاءالله تلقى الخيـر

رد: وش علاج الحساسية..

الحاله هاذي ياحمد مرت علي العام في ناقة ونقلة العدو للابل بشكل سريع وهذا جرب في حاله متقدمه لكن الحمدلله رشية الابل بالجارة وابرة الاوفمك الامريكية ام كرتون اسود وفيه بخاخ لونه اصفر رشه على الجروح الي تاثرة من الجرب وشهر بالكثير وباذن الله يزول المرض بالاضافه نقع البرسيم عند المصاب منها عشان تساعد الوبره الجديده بطلوعها.

رد: وش علاج الحساسية..

الحاله ذي ياحمد قد مرت علي في حاشي بس مانتشر بالطريقه ذي اقل شوي بدايته انتشر في نحره
وهي حساسيه مثل ماقلت
و عالجته بالفازلين ادهنه صبح ومساء مع ابرة الجرب مره وحده ورش بالجاره ليــن فكه الله

على العموم الحاشي ان كانك حاطه في شبك تلقاه يحك عمره على الشبك وهو الي خلاه ينتشر بالصوره ذي او حوله مكان يحتك فيه
مع البرد يمكن يزيد عليه سو الطريقه الي قلت وان شاءالله تلقى الخيـر

جزاك الله خير ويرحم والديك يابو محمد
انا دهنتهن بـ فازلين وكنها خفت شوي ولانت جلودهن لكن ما سلمن
يمكن يبن مواصل لفتره طويله