الفزعه يالربع الناقه سل حالها وضعفت

السلام عليكم ياوجيه الخير عندي ناقيه طيبه شاريها معشر وبعد شهرين اكسرت وبعدين جاها ضعف وهزال مع العلم ان الناقه اكلها زين وممشاها زين ودمنها زين عطيتها الابره الفرنسيه جرعتين وعطيتها ابره الهيام وعطيتها بنسلين ولا فاد وش الحل معها ياوجيه الخير مع العلم اني يوم شريتها لقيت فيها كوي مطرق بين السر والديد والناقه كانت زينه ومدري وش جاها اللي عنده خبره لايبخل علينا والله يجزاه الجنه

رد: الفزعه يالربع الناقه سل حالها وضعفت

يامرحبا يامبارك
هل استخدمة حبوب الدود؟
لابد حبوب الدود تكون لجميع البل الصحيح قبل المصاب بالجرعات المناسبه
وانا ارجح انه دود اللي في ناقتك لان خاطرها طيب وأكلها طيب
على العموم التحليل المخبري هو الفيصل لأي حاله مرضيه
اذا انت حول منطقة الرياض اعطيك اسماء المختبرات القريبه لك

رد: الفزعه يالربع الناقه سل حالها وضعفت

مثل ماقال اخوي محمد التميمي عطها حبوب دود ثنتين وبعد اسبوع ثنتين

رد: الفزعه يالربع الناقه سل حالها وضعفت

اشكر الاخوان على المشاركه وجزاهم الله خير وانا ياخ محمد عطيتها ابرة الدود الفرنسيه الزرقا اربع جرعات اعتقد انها تكفي عن الحبوب

رد: الفزعه يالربع الناقه سل حالها وضعفت

الناقه معها اخشام اسال هل الخبرة عن الخشام

رد: الفزعه يالربع الناقه سل حالها وضعفت

ابشركم اليوم جبت الدكتور واخذ عينة دم وعينة دمن وقال الناقه بطنها مليان دود ويرقانات وعندها فقر دم وعندها نقص بالمناعه ونقص بروتين وواعدني بكره اجيه بالعياده واخذ العلاج وجزاكم الله خير