ياخوان ابي الفزعه من الله ثم منكم

السلام عليكم ورحمة الله وبركاته

ياوجيه الخير وياهل الفزعات ويانشاما ابي منكم اراي اطيب
انا عندي اربع انياق احطلهن حبه ونص ذره وماعتدلن

وانا ابي منكم اشور يانشاما

رد: ياخوان ابي الفزعه من الله ثم منكم

اخوي فهد حبه ونص ذره قليل عليه واجد
عليك بالبرسيم صبح وعصر وكثره لها
لتحط حبه ونصف وتقول ما تغيرة
على الاقل ثنتين صبح ومثلها عصر

رد: ياخوان ابي الفزعه من الله ثم منكم

انا معاك يا رجا

رد: ياخوان ابي الفزعه من الله ثم منكم

لا بــد من الشــعير

حطلها شعير وبرسيم وتبي تشووف اللي يسرك انشاء الله

رد: ياخوان ابي الفزعه من الله ثم منكم

الفزعه من الله ثم من مخباك الله يحيك



البلا في علفك ردي بالحيل وخصوصا ان كانن خلفات

الحلال لاتردى مايرفعه شي هين ولا مثل الحب لضعيفه تشوف الزود فيها كل يوم

رد: ياخوان ابي الفزعه من الله ثم منكم

الحق على ابلك
وشيك على ابلك

يمكن يكون فيها دود

حاول تاخذ لها ابرة دود او احبوب الدود

وان شاءالله يزين حال ابلك

ولك تحيتي

رد: ياخوان ابي الفزعه من الله ثم منكم

حبوب دود على جرعتين
ثلاث بآلات برسم + بالت تبن او ذره تخلط جيدا
وان حصل شعير مع هالبرنامج يكون الردم بالشحم اسرع

رد: ياخوان ابي الفزعه من الله ثم منكم

عليك والله با الابيتر(الشعير) عطي الله ورح لهلك .

رد: ياخوان ابي الفزعه من الله ثم منكم

عطهن نصف كيس شعيرر
ولبنة برسيم
وابرة جرب
وحده بوحده
الابره كل عشر ايام طقهن مدة شهر
وانشاللله بتتغير وبيزين حالهن

رد: ياخوان ابي الفزعه من الله ثم منكم

شف عطهن حبتين برسيم وحبه ذرة عصر الابل خلفات ولا لقحات واذا خلفات زد علفهن

وعطهن حبوب دود ثنتين وبعد اسبوع ثنتين

رد: ياخوان ابي الفزعه من الله ثم منكم

ابببببببببعد الذره عن البل....

بس حشيييييييييي

ماتنفعها غير تضرها

رد: ياخوان ابي الفزعه من الله ثم منكم

السلام عليكم ورحمة الله وبركاته

اخوي فهد خل الحيضان دايم مليانه من الخبز والذرة الصفرا وتبي تعين نتايجه في اسرع وقت

ملاحظه :- (نياقك اذا مو متعوده على الخبز عطها بس لاتكثر لها عشان متبشم الين متعود عليه)

رد: ياخوان ابي الفزعه من الله ثم منكم

عطها الصباح نص كيس الوافي ولا شعير والعصر حبتين برسيم

رد: ياخوان ابي الفزعه من الله ثم منكم

كثرة الخبز تجيب الدود والله العالم والاخوان ماقصروا

رد: ياخوان ابي الفزعه من الله ثم منكم

الحمدلله على سلامتك ذودك

حبه ونص ذره ...هذا اسمه الموت البطئ

ارخ الريال يامال الشحم وخل عطايا الله اتفاهق من الشبعه

الضعف يردي حالها ويضعفها ويذبحها البرد والشتاء جاي وان اسلمت من البرد ماتعاشرت

وان تعاشرت جاك حوارها ردي من ضعفها

ان كانك قدرت على علفها مثل ماشاروا عليك الاخوان فهذا امر طيب

وان كان هذا علفك ولا تقدر اتغيره وانا اخوك نصيحه اعتق عطايا الله

واتركها همل ولا تحطها في شبك

ان جاتك عطها ماء ولا غير الماء شئ خلها اتحان واتحك عراقيبها

اما نجاهن الله سبحانه من الخطوط السريعه ولقن خير في قاع قفر مدهل للنوق

ولا كنسها راعي تريله مسرع ولا قطار ارحم من الذره اهم شئ ماتكون سبب في هلاكها

اسال الله سبحانه ان يرحمنا من الدهور والوقوت اللي اكلت الشجر وادمرت الحلال والمال

يالله ترزقنا غيثا مغيثا صيبا نافعا هنيئا مريئا نافعا غير ضار سحا غدقاً مجللا عاجلا غير آجل

اللهم انت مولانا اللهم انت ملاذنا اللهم لا رب لنا سواك فندعوه اللهم انت رجائنا ولا حول ولا قوة لنا الا بك

اللهم ارحم عجائزا ركع واطفالا رضع وبهائما رتع