ياهل الفزعه وش علاج الناقة

السلام عليكم ورحمه الله وبركاته

اخواني

عندي ناقة غالية ولقحة على بعير طيب الناقة لها كم يوم منتفخة واتسبركت

والناقة الله يكرمكم بطنهاا يمشي تهدة ماء والناقة تعيف العلف حللتها عند دكتور ويقول ان الكلى نسبتهاا مرتفعه

اللي عندة خبرة ولا سمع لايخلينااا الله يجزااة خير

رد: ياهل الفزعه وش علاج الناقة

عطها ابره بنسلين وابره نفاخ وابره سهال تكرمون وفي بودره تفتح الشهيه لناقه وخذلك غرشه ماء بريال وعبها نص ماء وكب البودره وانشد الدكتور والله يشفي ناقتك

واتمنى أني توفقت

رد: ياهل الفزعه وش علاج الناقة

بانسبه للكلا فيه شراب عند البيطري

استخدمته ومفعوله جيد باحاول اجيبلك اسمه+تنقع الشعير في ما وتصفيه وتغرها اياه

بانسبه لنفاخ كما ذكر اخوي فيصل فيه ابر للنفاخ استخدمها والله يشفي ناقتك

رد: ياهل الفزعه وش علاج الناقة

مرحباً اخوي علي
الناقه منتفخه ويمشي بطنها ؟
الانتفاخ هو عدم الإخراج أكرمكم الله
ويوجد سبب اخر للانتقاخ هو تسمم معوى
هل الناقه توزر؟
بعد التحليل المخبري واش اسماء الادويه اللي أوصى بها الدكتور
وكيف وضعها مع اول جرعه؟
ياليت توافينا بالمعلومات الكامله ليتسنى للجميع إفادتك بخبراتهم

رد: ياهل الفزعه وش علاج الناقة

لاهنتوا جميع والله يجزااكم خير

الانتفاخ الظاهر انه تسسم معوي ولا مدري شنهو الناقة كان مافيها الا العافية

وفجأة حصل الحاصل >> الناقة اكلهاا ضعيف وعلى اللقام

وهي الحين مستبركة وشوفها زين وبطنهاا اكرمكم الله يمشي

نعم الناقة وزرهاا طبيعي

بعد اخذ عينه من دمهاا يقول الدكتور ان الكلى عندهاا مرتفعه

عطانا ابه فرنسية للهيام 20مل وشراب دود الاصفر

رد: ياهل الفزعه وش علاج الناقة

علي الله يمسيك بالخير للمره الثانيه
الموضوع مايحتمل التأخير لان وضع الناقه مخطور والادويه اللي مصروفه مالها علاقه بالتشخيص
اذا انت بالرياض بدلك على مختصين وبعد الله راح تلقى فايده
واذا انت حول المنطقه الشرقيه بأسرع وقت تنقلها لمستشفى الاحساء ويتم تشخيصها وإعطاءها الادويه المناسبه


نفس الحاله صارت للبعير عندي وماكمل يوم الا هو ميت

أنا موجود معاك في نفس القسم لصباح وينتظر تواجدك او إرسال على الخاص

رد: ياهل الفزعه وش علاج الناقة

مرحبا ياخوي محمد وبيض الله وجهك على كل حال

توني اقرى ردك الله يجزااك خير

لــــكن للاسف >>> الناقة ودعت

جعل البركة في ماتبقاااا من امااتهااا

رد: ياهل الفزعه وش علاج الناقة

العوض براسك ومعوض خير يارب

رد: ياهل الفزعه وش علاج الناقة

معوض خير يابو سالم

ارب الدكتور ماهوب المطوع

عندي ناقه في رمضان نفس حالة ناقتك وعطاني ابرة هيام وشراب بودره والناقه ماتت بعدها بيومين

الضاهر البلا من ذا الدكتور