خراج في وجه البعير شوه وجهه

السلام عليكم ورحمة الله وبركاته
كل عام وانتم بخير
يالربع عند فحل وطلع في وجهه خراج من كم شهر وبعدين استفسرت عن علاجه وقال لي دكتور حط له مرهم اكتاميل او اكتيول لونه اسود المهم حطيته له والى والله ان الخراج زاد حجمة صار كبر حجم التفاحه مادري اشقه وانظفه ولا احط المرهم لين يكبر وينفجر علما ان الخراج حجر

رد: خراج في وجه البعير شوه وجهه

وش تعـــــــلــف يـاصعفـــق . . . ؟

رد: خراج في وجه البعير شوه وجهه

هلابك وكل عام وانت بخير
لاتجيه ولاتلمسه كرر المرهم الاسود لين يستوي وينفتح لحاله
وبعدها اعصره لين ينظف والديتول والملح خله حولك وقت التنظيف
وبأذن الله ماعليه الا العافيه

رد: خراج في وجه البعير شوه وجهه

برسيم ورودس وتبن

رد: خراج في وجه البعير شوه وجهه

مثل ما ذكر لك اخوي محمد

لا تجيه ولا تفتح الخراج لان موقع الخراج صعب جداً التعامل معه

و الخوف من ان تقطع لك عرق وفالافضل اترك الخراج حتى ينفتح من حاله

وحاول انك تعزل البعير من الابل الخراريج معديه

رد: خراج في وجه البعير شوه وجهه

ياخوان العلاف ماله شغل في الاخراج حنا قطعنا جميع الاعلاف وخلينا الابل تأكل من خيرات المزرعه وطلع فيها خراج ومدري وش سبب الاخراج نشقه قبل لايكبر اذا كبر قلت الصيطره عليه وانا انصحك لاتجي الخراج وكل امرك لله ويحل ان شاء الله

رد: خراج في وجه البعير شوه وجهه

الخراج نتيجة التكلسات وبعض التأكسد في بروتينات الطعام خاصه ( المكعبات التي تتعرض لعدم الخفظ الجيد ) جيث ينتهي مفعول الخلطات بها وتصبح ضاره
ومن الافضل عند ملاحظة خروجها خاصه اللين منها تركها حتى تنفطر وهي تشبه ( الدمل ) ومن ثم غسلها بالماء والملح او الديتول , وعدم فتحها او قطعها
الا من قبل البيطري خاصه في الاماكن التي بها اعصاب او عروق وما شابه ذلك .
... وهي تكثر في الابل التي تتعذى بالمكعب ولكتها تنفطر وتزول وليست ضاره . ومن الافضل استشارة البيطري . والله اعلم .

رد: خراج في وجه البعير شوه وجهه

مثـل مـاقـال اخـووي محمد

كـرر الـمرهــم وخــله ينتفــخ وبـع ــديــن نظفــه

هذا احســن حــل بنظــري

رد: خراج في وجه البعير شوه وجهه

لاهنتوا وبيض الله وجيهكم
وانا باستمر على المرهم لين ينفجر ثم بنظفه

رد: خراج في وجه البعير شوه وجهه

مثل ما قالوا الاخوان عليك بالمرهم الاسود لين يطلع له راس وينفضخ وتغير حجمة شي طبيعي اذا انفضخ نظفه بالماء والملح والديتول زين زين
اعصره لا تخلي منه شي بعد ذلك حط مرة مطحونة خفيف مو ناعمه مره داخل الجرح بعدين رش الجرح بالبخاخ الازرق يوميا لما يطيب الجرح بالنسبه
لا عصرت الخراج نظف الحوش منه تراه معدي