الفزعة لا عدمناكم ..

السلام عليكم

مساكم الله بالخير

كل عام وانتم بخير يالربع

عندي حوار عمره خمس شهور ... توني شاريه ممشاه طبيعي لكن لا زرفل قام يطرق بيده شوي وقومته من مبركه ماهيب زينه تثاقلها

وابي من يخبر له علاج

ولا يعرف احد يكوي

انا عطيته حبوب نحاس ... وللحين ماخلصت جرعاتها

لكن ودي اكويه قبل يبطي به ويشوهه


ولا هنتوا على كل حال

رد: الفزعة لا عدمناكم ..

ماعليه خلاف خفف مسراحه وحبوب النحاس جيده
والحليب بانتظام لايكثر عليه ولاينقص
ولاتكويه والأيام الجايه بيتعدل ممشاه ان شاء الله

رد: الفزعة لا عدمناكم ..

فالك طيب يامحمد وانا اخوك بس الطرق او الخطل لازم كوي .... وابي رقم احد من الللي يكوون البل بستفسر منه اما كواه ولا قال اصبر

رد: الفزعة لا عدمناكم ..

كلمني هذا رقمي 0097455735755

رد: الفزعة لا عدمناكم ..

مرحبتين ومية هلا
الكوي يافهد للمفرود وطالع
وفيه حيران يجيها لين وتعدل مع الوقت من واقع تجارب
ولاخ بخيت هو دكتور المنتدى خصوصا بالطب الشعبي

رد: الفزعة لا عدمناكم ..

السلام عليكم

اخي الكوي لا بد منه

حتى ما تعيب البكره


واذا حاب تكويها تراها سهله جدااااااااااااا

واذا حاب اشرح لك جوالي موجود تحت في التوقيع بنفس الاميل

هذا ولك تحيتي

رد: الفزعة لا عدمناكم ..

السلام عليكم

اخي الكوي لا بد منه

حتى ما تعيب البكره


واذا حاب تكويها تراها سهله جدااااااااااااا

واذا حاب اشرح لك جوالي موجود تحت في التوقيع بنفس الاميل

هذا ولك تحيتي

السلام عليكم ورحمة الله وبركاته
اخوي جملتك الكوي لابد منه لحوار للحين لبني وعضامه لبنيه حتى لو كويته مايجيب نتيجه
خذها قاعده من شيابنا اهل البل اللي مايعرفون مزاين ولاغيره وهم اهل الخبره علمونا ولازلنا لم نوصل 1% من خبرتهم الله يطول في اعمار الباقين منهم ويرحم موتاهم
اخي الكريم الحوار مايكوى تحت السنه في اي حاله من الحالات الا في حاله وحده وهي مرض ( الدوام) وهي التي تصيب الحوار بعد الولاده بأيام قليله ويكون مطرق خفيف جداً اما الين او المشش مايكوى الى بعد السنه ونص وطالع
فالحين علاجه بسيط ولايشوه الحوار وينفعه مايضره انشالله وهو كالتالي وصحاب الشأن كلمته وعطيته الوصفه
** ابره نحاس مقدر 8 سي سي اول مره مع انها جرعه قويه لكن هاذي اول مره ( لكن مبتأثر عليه احتمال اعز الله السامعه تجيب له شوي ذراق) مع مقدار ملعقه بودرة كالسيوم يوميا بالنسبه للكالسيوم لمدة اسبوع
وبعد اسبوع ابره نحاس اخرى بمقدار 5 سي سي والاسبوع الاخير 5 مل أيضا نحاس

بعيدن مش شرط انه اي ضلعه في الحوار من الامام تكون لين لان اللي في حوار صاحب الموضوع مش لين لان الحوار عافيته مش السمين واجد وقاعه حدب والحوار كان محمل على سياره وتم تعقيل الحوار من الامام
والحوار اللذي تحت سنه يتم التفقير له من الخلف فقط لان يد الحوار تكون نفس العجينه القويه لاتتحمل لارباط ولا غيره
لكن ايضاً وصفة العلاج التي اعطيته اياها تناسب الين وتناسب اللذي بحوار الرجال

(( اسموحو لي وصفي للعلاج ووصف المرض بالطريقه العاميه )) وهذا اسهل لي واسهل للمتلقي وانا ماقول وصفه او علاج الا وانا متأكد منه واتحمل جميع كلامي ..

رد: الفزعة لا عدمناكم ..

ماعليه خلاف خفف مسراحه وحبوب النحاس جيده
والحليب بانتظام لايكثر عليه ولاينقص
ولاتكويه والأيام الجايه بيتعدل ممشاه ان شاء الله

كلامك درُر يابو جاسم

رد: الفزعة لا عدمناكم ..

الله يجزاكم خير جميعا ... وفقكم الله التوفيق الطيب

شوركم وهداية الله نبي نسوي اللي شرتوا علينا به ... والله يقسم النا والكم اللي فيه خير

محمد التميمي ... لاهنت يابعدي ومشكور على اهتمامكم

بخيت البريدي ... هلا ياكتور هلا ابشر والله انك طمنتي طمن الله قلبك بذكره ... ضيقنا شبك الحوار وعطيته حبوب نحاس ... ثلاث حبات وبعد اسبوع بعطية الجرعه اللي قلتها لي والله انه منبشم هاليومين اللي راحت وكنه اشوى شوي اليوم .. وتحت الله وبين ايديه وفقك الله يابعدي

محمد القحطاني ... لاهنت يالقرم نبى نصبر على الكوي ونشوف ماودنا نعجل عليه ... الحوار طيب ومن اباعر طيبه واخر الطب الكوي وفقك الله يامحمد

رد: الفزعة لا عدمناكم ..

السلام عليكم ورحمة الله وبركاته
اخوي جملتك الكوي لابد منه لحوار للحين لبني وعضامه لبنيه حتى لو كويته مايجيب نتيجه
خذها قاعده من شيابنا اهل البل اللي مايعرفون مزاين ولاغيره وهم اهل الخبره علمونا ولازلنا لم نوصل 1% من خبرتهم الله يطول في اعمار الباقين منهم ويرحم موتاهم
اخي الكريم الحوار مايكوى تحت السنه في اي حاله من الحالات الا في حاله وحده وهي مرض ( الدوام) وهي التي تصيب الحوار بعد الولاده بأيام قليله ويكون مطرق خفيف جداً اما الين او المشش مايكوى الى بعد السنه ونص وطالع
فالحين علاجه بسيط ولايشوه الحوار وينفعه مايضره انشالله وهو كالتالي وصحاب الشأن كلمته وعطيته الوصفه
** ابره نحاس مقدر 8 سي سي اول مره مع انها جرعه قويه لكن هاذي اول مره ( لكن مبتأثر عليه احتمال اعز الله السامعه تجيب له شوي ذراق) مع مقدار ملعقه بودرة كالسيوم يوميا بالنسبه للكالسيوم لمدة اسبوع
وبعد اسبوع ابره نحاس اخرى بمقدار 5 سي سي والاسبوع الاخير 5 مل أيضا نحاس

بعيدن مش شرط انه اي ضلعه في الحوار من الامام تكون لين لان اللي في حوار صاحب الموضوع مش لين لان الحوار عافيته مش السمين واجد وقاعه حدب والحوار كان محمل على سياره وتم تعقيل الحوار من الامام
والحوار اللذي تحت سنه يتم التفقير له من الخلف فقط لان يد الحوار تكون نفس العجينه القويه لاتتحمل لارباط ولا غيره
لكن ايضاً وصفة العلاج التي اعطيته اياها تناسب الين وتناسب اللذي بحوار الرجال

(( اسموحو لي وصفي للعلاج ووصف المرض بالطريقه العاميه )) وهذا اسهل لي واسهل للمتلقي وانا ماقول وصفه او علاج الا وانا متأكد منه واتحمل جميع كلامي ..

السلام عليكم ورحمة الله وبركاته

اخي الموضوع ان الحوار فيه ليونه او طرق في يديه خارج عن تدخلات خارجيه مثل الحوار طايح او محمل في سياره او غيره من العوارض الخارجيه .
انا أتكلم ان فيه طرق او ليونه فقط

وحسب ما شفة من الوالد الله يحفظه حوار عندنا كان عمره يوم كويناه 8 اشهر وليس بالكوي الناجح مره

للمعلوميه

انا ليه قلت لصاحب الموضوع انه تيصل فيني حتى اشرح له شرح وافي واكثر تفصيليا بطريقة الكي
وانما يقوم بتنقيش الحوار ( مثل ما قلت باقي اعضامه لبنيه )
وانا هنا لم اتكلم من راسي بل من واقع تجربه


هذا ولك احترامي وتقديري

اخوك / محمد القحطاني

رد: الفزعة لا عدمناكم ..

السلام عليكم ورحمة الله وبركاته

اخي الموضوع ان الحوار فيه ليونه او طرق في يديه خارج عن تدخلات خارجيه مثل الحوار طايح او محمل في سياره او غيره من العوارض الخارجيه .
انا أتكلم ان فيه طرق او ليونه فقط

وحسب ما شفة من الوالد الله يحفظه حوار عندنا كان عمره يوم كويناه 8 اشهر وليس بالكوي الناجح مره

للمعلوميه

انا ليه قلت لصاحب الموضوع انه تيصل فيني حتى اشرح له شرح وافي واكثر تفصيليا بطريقة الكي
وانما يقوم بتنقيش الحوار ( مثل ما قلت باقي اعضامه لبنيه )
وانا هنا لم اتكلم من راسي بل من واقع تجربه


هذا ولك احترامي وتقديري

اخوك / محمد القحطاني

.


بيض الله وجهك طال عمرك انت تقول من واقع تجربه
سؤالي لك اللحين هل يوم انت كويت حوارك ( هل كان للكوي بديل يعني لو انت عطيته الجرعه بأنتظام ماراح يتحسن بعد معونة الله ؟؟
الرجال يقول الحوار عمره خمس شهور وحوار مزاين ومتحري فيه خير لو بدا معاه الجرعه البيطريه بأنتظام مش احسن من الكوي وشواه يديه لانه ماراح يلاقي الخبير اللي يكوي العصب فقط لانه حوار وماراح يصيد العصب بسهوله حتى لو كان عنده خبره في ذلك الكوي ياخوك هلاايام أخر الحلول اذا مافاد الجرعه البيطريه او بما يسمى الطبيه لانه الجرعه مدتها ثلاث اسابيع ( وبما يسمى بتعريب المرض - اللين - شهرين ) يعني اذا مامداه يتشافى من الجرعه الطبيه يكويه
هذا كل مالدي نفدى خشمك - ( وخير الكلام ماقل ودل )

رد: الفزعة لا عدمناكم ..

يعطيك العافيه

كلامك سليم

بس انا حبيت اوضح ولك تحيتي

رد: الفزعة لا عدمناكم ..

يعطيك العافيه

كلامك سليم

بس انا حبيت اوضح ولك تحيتي

مرحبا بك يابو حمد وفرصه سعيده