الناقه فيها عله ....!!! جامعة الملك فيصل .

السلام عليكم ورحمة الله وبركاته

يا اخوان بارك الله فيكم عندي ناقه شقحا طيبه

ولا لقحت لها سنه وهي قد ولدت مرتين ولاكن فيها عله

وجاها الدكتور وخش عليها وقال حلقة الضمان مسكره وحاول يفتحها وقال مسكره مره مانقدر نفتحها

قال جرب جامعة الملك فيصل

والان الفزعه يا الربع عطوني الحل الله يوفقكم

نروح للجامعه وش النصيحه يالربع تكفوووووووون الفزعه

رد: الناقه فيها عله ....!!! جامعة الملك فيصل .

مرحباا سعد عل حالك تمام
الناقه والد عندك ولا مقيول لك ؟
وين موقعك ؟
ان شاء لله نلقى لها حل بإذن الله
انتظر ردك وباقي الاخوان يزودونا بخبراتهم

رد: الناقه فيها عله ....!!! جامعة الملك فيصل .

اذا كان الرحم خاتم (مقفل)
فما لها حل الا جامعة الملك فيصل
عندهم جهاز يفتح الرحم
لان فتح الرحم صعب جدا
وقد صار عندي مثل ذالحالة
وكل الدكاتره نصحوني بإرسال الناقه للجامعه
للامانه ارسلت الناقه وافتحوا الرحم بالجهاز ولكن رجع قفل مره ثانيه
انصحك بانك تعطيها كورس (ترومايسين)
بعد ما ترجع الناقه من الحسا
حتى لا يرجع الرحم يقفل مره ثانيه
توكل على الله وأرسلها للحسا
وسلامتك

رد: الناقه فيها عله ....!!! جامعة الملك فيصل .

الاخ محمد الوهبي

بيض الله وجهك على الرد الطيب

انا سلمك الله في الخرج وشاريها بكر خلفه والزمان الثاني جابت بكره عندي ورزقنا الله في البكره وبعناها

واضربتها عقب البكره ولا لقحت وطلعت الدكتور نصر من صيدلية القيشان وكشف عليها وقال الناقه فيها حلقة الضمان مقفله؟؟


..............

الاخ فهد الاحمد الله يوفقك

ولاكن كيف الطريقه لمراجعتهم وسعر العلاج او العمليه وماهي

وماهو ترومايسين وهل الكورسات تبدء من الان

رد: الناقه فيها عله ....!!! جامعة الملك فيصل .

للرفع رفع الله قدركم

رد: الناقه فيها عله ....!!! جامعة الملك فيصل .

مرحبتين ياسعد مره ثانيه
فيه طبيب شعبي في الرياض وبخيص أنا من رأيي انه يشوفها ويدخل عليها
وله تجارب كثيره ناجحه في الدخول على النياق وأتوقع ماعنده مانع انه يطلع معك للبل فالخرج
ان بغيت رقمه ابشر به

رد: الناقه فيها عله ....!!! جامعة الملك فيصل .

الله لايهينك اخوي محمد

هل هو الرشيدي او ممكن ترسل رقمه على الخاص او العام حتى اتصل فيه

شكرا

بس عندي سؤال هل مستشفى الجامعه البيطري رخيص في العلاج او غالي ؟؟

رد: الناقه فيها عله ....!!! جامعة الملك فيصل .

العلاج مجاني بمستشفى الاحساء ياسعد بس قبل المشوار الطبيب الشعبي بيختصر عليك المشوار ويشور عليك
والرقم برسله لك على الخاص اليله ان شاء الله

رد: الناقه فيها عله ....!!! جامعة الملك فيصل .

الاخ محمد الوهبي

بيض الله وجهك على الرد الطيب

انا سلمك الله في الخرج وشاريها بكر خلفه والزمان الثاني جابت بكره عندي ورزقنا الله في البكره وبعناها

واضربتها عقب البكره ولا لقحت وطلعت الدكتور نصر من صيدلية القيشان وكشف عليها وقال الناقه فيها حلقة الضمان مقفله؟؟


..............

الاخ فهد الاحمد الله يوفقك

ولاكن كيف الطريقه لمراجعتهم وسعر العلاج او العمليه وماهي

وماهو ترومايسين وهل الكورسات تبدء من الان

أخوي سعد

حمل الناقة في دنا وأفضل أنك تحملها في الليل
يعني مشوار الدنا من الخرج إلى الحسا تقريباً 5 ساعات على ما أعتقد
والأهم أنك تخاوي راعي الدنا للحساء
وموقع المستشفى على طريق سلوى
ولا تصلي الفجر إلا وأنت عند بوابة المستشفى
وإن شاء الله أول ما يفتحونا إلا أنت أول واحد بإذن الله
وبيكشف عليها الدكتور وهي في الدنا وبيفتحون رحمها وهي في الدنا
وبيعطونها علاجات
وإن شاء الله ما عليها شر

أما مسألة سعر العلاج فالحمد لله الفضل لله ثم لولاة الأمر فالمستشفى لا يأخذ مقابل أبد والعلاج ببلاش
وكل ما عليك هو أن تدفع أجار الدنا رايح جاي

وسلامتك

رد: الناقه فيها عله ....!!! جامعة الملك فيصل .

العلاج مجاني بمستشفى الاحساء ياسعد بس قبل المشوار الطبيب الشعبي بيختصر عليك المشوار ويشور عليك
والرقم برسله لك على الخاص اليله ان شاء الله

بيض الله وجهك يا بوصالح

في مثل هذه الحالات لا أنصح بالطب الشعبي
لأنه فيه حطورة في حالة أنه حاول يفتح الرحم بيده
وهذه نصائح جميع الدكاترة اللي كشفوا على الناقة اللي عندي

وكل من كشف عليها قال أنصحك بإرسالها للجامعة ولا تخلي أي شخص يتعبث في رحم الناقة لأنه ما راح يقدر يفتحه

والجامعة عندهم جهاز خاص لفتح رحم الناقة وهي بالدنا ما يحتاج أنهم ينزلونها
وبعد ما يفتحون الرحم يقومون بتنظيف الرحم وإعطائها كورسات مضادات حيوية



وسلامتك

رد: الناقه فيها عله ....!!! جامعة الملك فيصل .

اخوي سعد فيه بيطري في الخرج ممتاز على طريق التشليح واذا تبي رقمه ارسله عليك خاص
اذا كنت ماتعرفه يقال له ابو شوقي

رد: الناقه فيها عله ....!!! جامعة الملك فيصل .

الاخ محمد الوهبي


الاخ فهد الاحمد الله يوفقك


وماهو ترومايسين وهل الكورسات تبدء من الان

وما فائدته بارك الله فيكم ...

رد: الناقه فيها عله ....!!! جامعة الملك فيصل .

السلام عليكم ورحمة الله وبركاته ،،

باين من تاريخ الموضوع أنه قديم نوعا ما ولكن أعتذر لغيابي لظروف يعلمها الكثير ،،

أخوي سعد اذا أرسلت الناقة للإحساء فأخبرنا بالنتائج وإذا لم ترسلها حاول أنك تتواصل معي لتسهيـل امورهاا بإذن الله تعالى ،،

رد: الناقه فيها عله ....!!! جامعة الملك فيصل .

مثل ماقالو الاخوان ودها الحساء عند الدكتور رمضان ماشاء الله عليه اسأل مجرب ولاتسال طبيب

رد: الناقه فيها عله ....!!! جامعة الملك فيصل .

ماقصرو الأخوان بس لاتبخل علينا بنتائج .