أفزعوا لي بالرأي

عندي حوارة قبل أسبوع صحتها مية مية
فجأة صارت تضرس ومادة رقبتها أكلها شين و رضاعتها بعد شينه
البكرة أغلب وقتها صانة كأنها في عالم ثاني و زامة فمها و تقول ناشب في حلقها شي فتشتها مالقيت شي حتى هدب مافيها
دمنها كأنه دمن هيام ( معقولة )
في البداية شكيت إنه ألتهاب في الجهاز التنفسي العلوي عطيتها تايلون حتى الأن ثلاثة أيام , تحسن خفيف لا يذكر
أفيدوني بارك الله فيكم

رد: أفزعوا لي بالرأي

دمنها كأنه دمن هيام

كيف وصف دمنهاااا ..؟

رد: أفزعوا لي بالرأي

اقرب مالها هيام والله اعلم وعلاج الهيام بسيط ابره فرنسيه او توكيها ثلاث كويات

رد: أفزعوا لي بالرأي

كم عمرها ؟ وهل هي ترضع ولا لا؟

رد: أفزعوا لي بالرأي

حواره وهيام ؟؟؟ علامة استفهام يمكن شووووكه تأأأأأكد

رد: أفزعوا لي بالرأي

عمر الحواره ياحسين
وش تطعم البل ؟

رد: أفزعوا لي بالرأي

مشكورين على سرعة الرد
عمرها أربعة شهور
دمنها ناشف و سخيف ومدبب بس ماهو كله .
بس حوارة وهيام !!!!!!!!!
علاج الشوكة الترومايسين و أنا عطيتها التايلون وهو أطيب و أقوى
لا تبخلون علي و دمتم .

رد: أفزعوا لي بالرأي

علفها وافي و شعير مدشوش
و متعودة عليه كل البل .

رد: أفزعوا لي بالرأي

اخوي الله يوفقك

هل هي تطيح

هل تركز راسها

رد: أفزعوا لي بالرأي

عندي حوارة قبل أسبوع صحتها مية مية
فجأة صارت تضرس ومادة رقبتها أكلها شين و رضاعتها بعد شينه
البكرة أغلب وقتها صانة كأنها في عالم ثاني و زامة فمها و تقول ناشب في حلقها شي فتشتها مالقيت شي حتى هدب مافيها
دمنها كأنه دمن هيام ( معقولة )
في البداية شكيت إنه ألتهاب في الجهاز التنفسي العلوي عطيتها تايلون حتى الأن ثلاثة أيام , تحسن خفيف لا يذكر

تفاصيل شكواها

رد: أفزعوا لي بالرأي

فتشتها عن القرد ؟

رد: أفزعوا لي بالرأي

احتمال تكون شويكه الحلق