البدية

الاخوة الاعزاء في منتدى مزاين
السلام عليكم ورحمة الله وبركاته معروف ان البديه تبدا تظهر مع الناقة مع اول لقاح وهي بكر
هل هناك حالات بان تبدا تظهر البدية مع ثاني لقاح اوثالث جزاكم الله خير

رد: البدية

ماهوب شرط وانا اخوك انها تظهر وهي بكر

واسبابها كثيره فيها الوراثي وفيها الي تتحمل وهي لقحه

رد: البدية

مرحبتين ياعبداللطيف وتوه ماينور القسم
واخي العزيز عبدالمحسن جوابه كافي عن الأسباب
ومضاعفات البديه في اشد التهاباتها يعد خطر على الناقه القحه
لنه من المحتمل نزول الرحم في وقت الولاد
الوقايه من الاتهابات البديه
١-تخفيف الاعلاف لان الشحم مضرر للمبديه
٢-تطهيرها بشكل مستمر في شهور القاح بالبخاخ الازرق وغيره من المطهرات الاخرى
٣-عمل شبكه على حيا الناقه لمنع ظهور البديه وتلوثها
٤-البنسلين المناسب للقحات في الشهر العاشر من القاح
ونشوف آراء الاخوان وتجاربهم

رد: البدية

اول شئ مرحبا ياعبداللطيف

والله انا ودي اسئل من زمان عن علاجها


لان عندي رحول مجهم كيبه مرررررره وطبعها طيب وكل مامنها طيب

بس من سنه طلع لها بديه وعمرها سديس او توها شاق نابها وهي حايل ماقد ضربة ديسها ديس بكره

والبديه لاشبعت طلعت ولاجاعت راحت وهي كبر كف اليد او كبر البرتقاله وش الحل يالربع انا اخيطها والا ويش

رد: البدية

انصح الأخوان بالأهتمام بعلاج البديه ..

شريت لقحه بها بديه ما دريت عنها الا في العزبه

وبعد كم يوم نزفت الناقه في الليل ويوم اصبحت ماتت الله يعوض علينا في الدنيا والاخره ..

فلا تهملوها عمل الشبكه وتخفيف العلف والحرص على المبرك الدماث والمستوي مهم جدا للمصابه بالبديه

رد: البدية

الغسول بالماء والملح وخياطه حياه

وانتبه لاتسمن وهي لقحه

لان من يقول انه له علاج ماعنده سالفه الا شي جديد هليومين

لانه كان عندي وحده طيبه بس فيها بديه ماخليت احد مافيه فايده الا واحدا شايب قال لي النظافه والماء والملح والوزن علاجها

والسلام

رد: البدية

الاخوان ماقصروا بالنصح
لكن اهم شي وانا اخوك انحش عن الشحمممممممم
خفف الطعام عليها بالحيل وهي لقحة

رد: البدية

بيض الله وجيهكم وما قصرتوا على المعلومات الوافية
اما بالنسبه لافضل طريقة جربتها مع البديه هي كالاتي
تلحم سيخ 8ملي على شكل مربع بمقدار 13سم في13سم تقريبا وتلحم بوسطه علامة زايد بنفس السيخ وتلف عليه حبل رودس حتى يكون بعرض الاصبع تقربا ويوضع في كل زاوية حبل من الرودس وتلبس الناقة جنايب وتشمل حياهابحيث تنزل حبلين من الحبال الي ربطتها في الحديد وتدخلها بين رجلين الناقه واحد بجنب الديد يمين وواحد يساروتربطها في مرابط الشمالة وثنين تربطها من فوق وتوزن الحديد على حيا الناقة وتدخل البديه وتسكر حياها وتشد الحبال جيدا ولا تفكها الا عند قرب ولادها بتلاحظ البدية تصغر تدريجيا ولازم تمر الناقه بعد كم يوم وتعقم المكان وتعيد شد الحبال ان كانها انحلت علما بان الناقة توزر طبيعي
عندي ناقة العام فيها بدية كبيرة جدا وسويت الطريقة ولا شافت الا الزين ولله الحمد وسلامتكم

رد: البدية

علاج البديه السوووووووووووووووووووق