عندي بكار طيبه واخاف عليها من لين اليدين وش رايكم

السلام عليكم
ياشباب ارجو الافادة عندي ثلاث بكار طيبه الحمد لله وهديتها على امهاتها عشان ترضع حليب وتزين قبل ما نضرب امهاتهن ونفطمهن من الحليب
والبكار مع البل , والبل تاكل برسيم وشعير
واسمع واحد من الشباب يقول فيه ابره بـ 15 ريال تعطيهن إياها ثم بعد اسبوع تعطيهن حبوب لمدة اربعة أسابيع ويقول بعدها هدهن مع امهاتهن ولا تخاف عليهن بإذن الله سبحانه
وش رايكم يا شباب وإذا به طريقة أفضل فيدوني جعلكم تسلمون 000

رد: عندي بكار طيبه واخاف عليها من لين اليدين وش رايكم

مهوب صحيح ولاتعطي البكار المفاريد شي لاابر ولاغيره ويتعين خير من حليب أمهاتها والبرسيم والشعير
والأمهات عطها حبوب دود على جرعتين

رد: عندي بكار طيبه واخاف عليها من لين اليدين وش رايكم

لا هنت أخوي محمد دائماً مبدع الله يحفظك

رد: عندي بكار طيبه واخاف عليها من لين اليدين وش رايكم

بالحليب تزين لا تشبك عليها ومشها

رد: عندي بكار طيبه واخاف عليها من لين اليدين وش رايكم

الممشا هو طبها لا تشبكها مرة الممشى زين حتى في نموها


تقديري للجميع

رد: عندي بكار طيبه واخاف عليها من لين اليدين وش رايكم

شاكر لكم مروركم اخوي محمد واخوي شجاع
الله لا يهينكم

رد: عندي بكار طيبه واخاف عليها من لين اليدين وش رايكم

طبها الممشا مثل ماقالوا الاخوان وازيدك من الشعر بيت حاول تنوع لها بالطعام الخفيف المنوع

[grade="FF1493 FF7F50 FF6347 B22222 FF6347"]
اربع اسابيع حبوب تسممها وتتلف الكلى
[/grade]

رد: عندي بكار طيبه واخاف عليها من لين اليدين وش رايكم

السلام عليكم ورحمة الله وبركاته

ما أزيد على ما قالوه الأخوان واللي هم طبعاً أخبر مني لكن لا نغفل مكان ووعارة المنطقة الموجودة بها الابل فهي تختلف من مكان إلى آخر ومن وجهة نظري ما يمنع أنك تعطيهم أبرة نحاس 5سم وبعد أسبوعين تكرر الجرعة وذلك كجرعة وقائية .

ولكم تقديري .. أبوعبدالرحمن

رد: عندي بكار طيبه واخاف عليها من لين اليدين وش رايكم

لا تسمنهن بالحيل ولا تحبسهن بشبك

وتسلم باذن الله من اللين

رد: عندي بكار طيبه واخاف عليها من لين اليدين وش رايكم

لا تسمنهن بالحيل ولا تحبسهن بشبك

وتسلم باذن الله من اللين

وعطهن حبوب نحاس للوقاية فقط والبيطري بيعلمك كمية الوقاية

رد: عندي بكار طيبه واخاف عليها من لين اليدين وش رايكم

الله يرضى عليكم جميعاً
وشاكر مروركم ...

رد: عندي بكار طيبه واخاف عليها من لين اليدين وش رايكم

لا تخليها من الممشــا

الممشــاء زيـــــن عـلـيـهـــا


وشكرًا