الحال وسط

السلام عليكم ورحمة الله وبركاتة عندي لقحة تلاقي بعد شهرين حالها وسط انا شريتها من السوق ولا تعدلت مع انها تاكل مافيها شي والعلف ناقع قدام خشمهااا
اتوقع فيها دود او ما شابة السؤال هل حبوب الدود تضرهااا بالوقت هذا
ارجوا الافادة من خلال تجاربكم

رد: الحال وسط

وعليكم السلام

شف القحه انا مااعطيها حبوب ولا ابر بس ماادري عن القحه كلم الدكتور وقله عادي اعطي القحه واذا قال عادي عطها حبوب دود حبتين وبعد أسبوعين حبتين وابره بنسلين

اتمنى أني افدتك

وشكراً

رد: الحال وسط

انا كانت عندي ناقه لقحه لها7شهور ووسط حالها وعطيتها حبوب الدود والحمدلله بالها سمحه وتغيرت180 درجه ولله الحمد

رد: الحال وسط

أنا ما أفضل إنك تعطيها حبوب دود

أعطها إبرة الجرب (( الدكتوماكس )) الزرقاء
لأنها تقضي على جميع أنواع الدود
كما أنه لا ضرر منها على اللقحة


وسلامتك

رد: الحال وسط

الشهرين قريبه واللي صبرك ١٠ شهور اصبر هالشهرين
وبعد ماتنتج عطها برنامج حبوب الدود وأكرمها بالبرسيم
انا مانصح باستخدام الادويه للقحات الا في إلحاجه الماسه
والله اعلم

رد: الحال وسط

توكل على الله وعطها حبوب دود ان مانفعت ماضرت باذن الله

رد: الحال وسط

تسلمون يا مطاليق لا هنتواااااااااااااااااا

رد: الحال وسط

كلام اخوي فهد الاحمد صحيح

عطها ابرة الجرب

اربها تسمن

لاولدت يبا يلهجها الحوار وانت بتحتلبها

رد: الحال وسط

أعطها إبرة الجرب (( الدكتوماكس )) الزرقاء