عندي قعود اول ظراب له

حياكم الله جميع


عندي قعود يثني اول ظراب له مابعد اظرب

وضامر يعني بطنه مهوب كبير

وبيه يظرب ولا فيه حيله اجيبه عند الابل وهده معها ومامن فايده

وعقلت ناقه ابيه يظربها وفشح فوقها وقام يتلفت يمين ويسار وعقبن برك وشمل وكررت العمليه بعد يوم وراح وخلاها اكثر من مره وايام متفرقه

هل هو يبي لين يعصب ويبرد ولا فيه علاج اسويه

وسلامتكم

رد: عندي قعود اول ظراب له

احسن طريقه دور لك فحل ثاني وخله يضرب الناقه قدامه والله يرزقك منه الانتاج الطيب

رد: عندي قعود اول ظراب له

احسن طريقه دور لك فحل ثاني وخله يضرب الناقه قدامه والله يرزقك منه الانتاج الطيب

100%

رد: عندي قعود اول ظراب له

طيب فكه مع الابل وخله يسرح معها ويكون مقيد او ترش الفحل في الليل بالماء البارد والله يرزقك منه الانتاج الطيب

رد: عندي قعود اول ظراب له

فك البعير مع البل وقيده مثل ما قالوا الاخوان ورش ظهره بالليل بماء بارد واذا بغيت تحده على ناقه جوعه 24 ساعه قبل ذلك
في طرق ناس جربوها ونفعت انك تحط ثلج على ظهره ولا برد ظهره بيهيج

رد: عندي قعود اول ظراب له

اتركه لين يهيج البعير تو الناس

رد: عندي قعود اول ظراب له

( الثني وني )

وانت تبي تغصبه يضرب !!؟؟

اولاً : البعير ماهاج

ثانياً : ابلك مافيها مجاسير والا كان اضربهن

ثالثاً : لابد انك تطغيه بالطعام عشان يفسق ويهيج وكذلك الضرايب أكرمهن بالطعام عشان يتجاسرن .

ملاحظة / لاتستعجل عليه عطه شهرين أو ثلاثة وإذا ما أضرب شيء هاك الوقت دور غيره .

رد: عندي قعود اول ظراب له

اتركه لين يهيج البعير تو الناس

رد: عندي قعود اول ظراب له

تو الوقت على هياج البعارين
٢٩ اكتوبر هي بداية الهياج

رد: عندي قعود اول ظراب له

الله يعطيكم العافيه ويرحم والديكم


الي افهمه يعني مهوب باغي الظراب هالحين
يعني لين يعصب ويبرد
الي اعرفه ان القعود الي توه يبي الظراب في اي وقت

رد: عندي قعود اول ظراب له

نصيحتي اخوي لاتحده على الابل ولا ضرالها ماعاد يطرح إلا تنوخله ثاني شي القعود توه ماهاج
تبي بعيرك يطلع فحل اجلب له فحل طرحه فالبل زين لو مايعجبك عياله خله يطرح فالابل قدامه
وشوف يقتنص حركاته كلها

وانشد مجرب وفالك التوفيق

رد: عندي قعود اول ظراب له

هاهاهااها ..

عندي بعير نفسك .. وصل سديس .. ومر على ثلاثه قبلنا .. واخر شي .. قلطوه على الوالد ..

وفي غياب الوالد .. سوت فيه لعبه .. ونجحت .. ولو حابب تجربها .. راسلني على الخاص .. لاني بصراحه ما ابا اتكلم علني لاني يمكن اخذ اثمه مسكين .. لعبت فيه دور خليته يجن جنونه ..

واستغرب الوالد مني .. فما خبرته يا لين قام الحين يضرب بروحه بدون اي مشاكل والله الحمد والمنه

رد: عندي قعود اول ظراب له

هاهاهااها ..

عندي بعير نفسك .. وصل سديس .. ومر على ثلاثه قبلنا .. واخر شي .. قلطوه على الوالد ..

وفي غياب الوالد .. سوت فيه لعبه .. ونجحت .. ولو حابب تجربها .. راسلني على الخاص .. لاني بصراحه ما ابا اتكلم علني لاني يمكن اخذ اثمه مسكين .. لعبت فيه دور خليته يجن جنونه ..

واستغرب الوالد مني .. فما خبرته يا لين قام الحين يضرب بروحه بدون اي مشاكل والله الحمد والمنه

ارحب يامبارك
ولااعلم ليه تضحك
بس وش ألطريقه لتعم الفائده للجميع وياليت تعطينا تجربتك ليكتب الأجر لك
ولافهت موضوع انك ماتبي تتكلم علني لأخذ إثم مسكين!؟

رد: عندي قعود اول ظراب له

اصبر علية توك والهياج

رد: عندي قعود اول ظراب له

ارحب يامبارك
ولااعلم ليه تضحك
بس وش ألطريقه لتعم الفائده للجميع وياليت تعطينا تجربتك ليكتب الأجر لك
ولافهت موضوع انك ماتبي تتكلم علني لأخذ إثم مسكين!؟

السلام عليكم ورحمه الله

اول شي اعتذر على الانقطاعه وهذا بسبب اني حصلت مشاكل في دخولي للمنتدى في الفترات الاخيره وتعليق من الحاسوب عندي فاعذروني جزاكم الله خير

وثاني شي اشكر الشباب ياللي ارسلوا لي على الخاص واعذر للي ما وصله ردي بسبب هالموضوع

اخوي محمد .. اضحك طال عمرك " والله يضحك سنه يود الحساب " لاني يا دوبك وقتها عالجت بعير عندي فبنفس الاسبوع اشوف الموضوع فقلت سبحان الله .. شكله الله يبالي اني اشوف هالتجربه هل بتنجح مع شخص ثاني ولا بس مشت عندي وبس !

ولا ابي اتكلم طال عمرك لانها فيها نوعا ما خطوره على الفحل .. يعني ما ابا اخذ اثمها لو التجربه ما نجحت مع غيري ... فعلى هالاساس فضلت الصمت وياللي يبي يخاطر " رغم انها مش مخاطره بمعنا الكلام " يراسلني على الخاص

المهم .. هذي تجربتي طال عمرك .. جربوها والله يوفق الجميع والله يجزينا الاجر ...

فلو ما نجحت الخطه .. السموحه من الشباب بس هالخطه مشت معاي عال العال والعالم لله الحمد والمنه مرحت عندنا للفحل .. وان شاء الله تستفيد منه


طال عمرك بحكم قرب شبك هالفحل من فحل ثاني يقدر يضرب .. كنت متعمد امرح قدامه للابل .. وبطعا كان ينظر للمنظر ببروده وبلاده .. ولا كنه شي يهمه .. استغربت رغم انه سنه سديس .. فجبت له ناقه ميسر .. ودخلتها له للشبك ... وكان رافضها بشكل .. اختصار السالفه ..

طبعا انا انتظر الوالد لين يطلع من العزبه ويروح البيت .. على شان ما يمنعني من اني اسوي تجربتي .. فقمت ورحت للصيدليه البشريه .. واخذت حبه " فياجرا" اعزك الله ....وحطيتها له في التمر .. وكنت طالب من العامل انه يشيل كل شي قدام البعير من الاكل من بعد المغرب .. وخليته يا لين دخلت عليه الساعه ثمان وبطنه خفيفه .. اعطيته الحبه في التمر .. وانتظرت ثلاث ساعات الى الربعه .. تم البعير يهدر .. ويزبده على وجهه من الهياي .. اخوي كان وياي .. قال ما شاء الله .. ما شاء الله .. بدا البعير يهج .. " ما ادرا انه هذا مفعول الفياجرا " .....

المهم .. جبت له ناقه ميسر .. وعقلتها له .. وجبت البعير وخليته يضربها .....

وعلى طول من قام شليتها منه وهو في عز الهياج .........

خليته يوم كامل وهو يطامر مكانه يبي يضرب .. وتم يهدر ويطامر .. انا متعمد مخليه على شان يتم مشتهي " اكرمكم الله " ...

وبالباكر رديت عليه نفس الناقه .. وضربها .. ومن بعدها تمينا نمرح له بدون مشاكل .. والوالد استغرب لانه له ثلاث سنين ومر على ثلاث اشخاص ولا قدروا له .. ويوم خبرته تم يضحك .. ويقول عيال الزمن هذا مصيبه ..

وللاسف .. الحين كل ما ايي موضوع الفحول .. يلتفت فيني الوالد بضحكه ويقولي اعطوها حبه مبارك ...ههههههههه