ماله الا الدعاء

عندي ناقه شطر من شطورها مخبش بزود
وحالها ضعيف الصيدلي قالي الي فيها دود عطينها شراب الدود ولا نفع وطقيناها ابرة الجرب ديكتوماكس
ولامن فود

الفزعه ياللحوات الغانمه

رد: ماله الا الدعاء

احتمال فيها هيام اخوي محمد عطها ابره الهيام

رد: ماله الا الدعاء

اذا كان فيها انتفاخ ف البطن يعني اذا كنت تحس في بطنها هواء هذا هيام

ودقها بابره هيام ( هندي )

واغسل ديسها كل صباح بمويه بارده واطلق الناقه خلها تمشي ..

وانشاء الله انك تبشرنا بشفائها

رد: ماله الا الدعاء

إبرة الهيام الفرنسيه هي الأنسب لحالة ناقتك

رد: ماله الا الدعاء

ما قصروا الاخوان ابره الهيام الفرنسيه افضل
لكن اضيف على الاخوان ابره بنسلين الاصلي لمده 3 ايام واقطع عنها البرسيم وخلها تمشي ونظف الديس المخبش زين من الحليب
واغسل ديدها بماء بارد واذا حصل ثلج افضل وافضل مرتين باليوم اقل شي
وان شاء الله ما تشوف مكروه ( مجرب )

رد: ماله الا الدعاء

لاهنتو على الردود لكن وش علاقة خباش
شطر واحد بالهيام

رد: ماله الا الدعاء

انا ما اتوقع هيام لان الهيام ماله دخل في الديد

وضح اكثر ديدها يطلع منه صديد او دم وناقتك لقحه او خلفه وضح

رد: ماله الا الدعاء

الله العالم ناقتك فيها في ديدها المخبش الاتهاب فيه عصار يدخل في الديد ويعصر داخل لايحضرني اسمه وهو طيب جدا

رد: ماله الا الدعاء

ا

لاخ محمد الأخوان يوم قالوا لك ابره هيام لأنك تقول ناقتك ضعيفه ولا نفع معاها حبوب دود وابر جرب وأبره الهيام تنفعل ولا تضر وافضل شي الفرنسية لأن الهندية حاره والوقت مازال حار واذا ناقتك فيها انتفاخات في النحر وفي المنطقة الواقعه امام الديد ودمع عيونها وضعيفه هذي علامات الهيام واذا تبي تتأكد حللها وليس هناك اي علاقة بين الهيام والخباش .
اما بالنسبة للخباش وهذا المرض الثاني اللي تعاني منه ناقتك فعلاجه ذكرناه لك سابقاً ولو تمسك الديد المخبش بتلاحظه حار ولو تحلب الديد المخبش بتلاحظ لون الحليب متغير وعلى شكل قطع يعني ثقيل لأنه ملتهب بسبب نوع من البكتيريا لازم تنظفه زين وتستخدم العلاج اللي ذكرناه واذا سلم الديد ورجع لحالته الطبيعيه ترجع للبرسيم
ذكر الاخ وافي عصار وهو عباره عن ابره من البلاستيك تحقن داخل الديد تلقاها عند اي صيدلية للامانه انا ماستخدمتها لكن اعرف كثير استخدموها وكانت النتائج فعاله وسليمة لكن لو استخدمتها استخدم معها علاج الخباش اللي ذكرته لك فوق .

رد: ماله الا الدعاء

لاعدمناكم جميع

رد: ماله الا الدعاء

الهيام مرتبط ارتباط مباشر بالديد وخباش مستمر للمعلوميه

رد: ماله الا الدعاء

اشكر الجميع على التعليق