ياأخوان هل اللين يجي في يدين الحق؟

الله يمسيكم بالخير جميعا
يا اصحاب الخبره عندي قعود حق ويديه مطرِقه او فيها ليونه وطرقها للامام كل الثنتين مع العلم ان مشيه سليم الى الان في شهر واحد لاحظت عليه تقريبا
ويومه مفرود مافيه الا العافيه
واحد شافه وقال هذا يسمى فتخ ويعد وراثي !!!
نبي معلومات عن هالمرض

رد: ياأخوان هل اللين يجي في يدين الحق؟

مرحبا يا ابو صالح

يجي في البل الكبار وشفته جاء بعير بعد ما شق

وهو نتيجة نقص عنصر النحاس ومشكلة في التمثيل الغذائي

رد: ياأخوان هل اللين يجي في يدين الحق؟

اخ محمد فيه رجال وصف لي البترول انا ماجربته وباجربه انشاءالله

يقول تصب البترول على مكان اللين مثلن من الركب وتحت مره او مرتين يوم بعد يوم

وممكن تكرر العمليه بعد فتره والعلم عندالله

رد: ياأخوان هل اللين يجي في يدين الحق؟

يجي لحد عرفي حتى الجذاع

واسبابه

الشبك + الارض الدمثة ( الرملية ) + الحال الزايد

اذا تبي نصيحتي دور له واحد خبير يكويه مع العلاج البيطري لكن الكوي ضروري والله اعلم

رد: ياأخوان هل اللين يجي في يدين الحق؟

يجي لحد عرفي حتى الجذاع

واسبابه

الشبك + الارض الدمثة ( الرملية ) + الحال الزايد

اذا تبي نصيحتي دور له واحد خبير يكويه مع العلاج البيطري لكن الكوي ضروري والله اعلم

مع الاخ وافي لكن عليك بالنحاس بالكميات المناسبه لمثل هذه الحاله وتنزيل الشحم منه ويمكن يسلم بدون كوي

رد: ياأخوان هل اللين يجي في يدين الحق؟

أرحب يا محمد

ممكن تصور البكرة
لأني ما أعتقد أنه لين .. ممكن يكون خشونه في العظام.

وسلامتك

رد: ياأخوان هل اللين يجي في يدين الحق؟

ابشر يامشرفنا الغالي
المشكله مثل ماقال ابو محمد
العلاج /حبتين نحاس + جرعات بي كومبلكس 10ml يوم بعد يوم للابر
واذا وجدته بودر بشكل يومي وعليك باوروبي الصنع+vapco liniment تغسل به اليدين من اعلى للاسفل مرتين باليوم
واذا لم تجد نصف فنجان سم الجره على علبة مياه صحه كبيره تخلط وتغسل بها اليدين مرتان باليوم
ويفضل ربط خيط شعر اعلى الركبه يكون غير مشدود والقعود واقف
لايوجد لين وراثي ويسببه النقص او الوقوع اثناء ماتشم الحشوان

رد: ياأخوان هل اللين يجي في يدين الحق؟

نعم يجي في الحق

واسبابه هي الرمال الزائده وحرارة الشمس مع الرمال تلين اليد والسمن الزايد وانصحك عدم خروج الحوار من الشبك حتى يصير مفرود عشان يده ماتلين الا في بدايت ولادة الحوار تدرجه يم الشبك حتى شهر او شهرين حتى يزين ممشة اذا الشمس قويه وجاك الصيف اشبكه وضللها من الشمس ويليت حدبه عشان تقوي يد الحوار من اللين

انا عندي ٣بكار جاهن اللين في اليدين وسمتهن فوق الخف وسم مثل كذا + وماشاء الله عليهن زانت ايديهن وكلهن وسمتهن وهن مفاريد

وماقصرو الاخوان عطه حبوب النحاس او ابره النحاس ولااوصيك بالملح الأحمر المكعب لي ان فيه مادة نحاس بنسبه كبيره وعلقها في الشبك

واتمنى أني افدتك والله يشفي قعودك والله يرزقك منه الانتاج الطيب