وش علاج البكره ياهل مزاين

السلام عليكم ورحمة الله وبركاته
اخواني انا عندي بكره لقيه لها ثلاث ايام وحالها مايسر لاتاكل ولا يطب فمها عود والله يكرمكم تذرق ذراق مهوب طبيعي حتى الماء اذا شربه قامت تذرق وشانت وشان حالها وخطر عليها تموت نبي علاج لها عاجل تفكون

رد: وش علاج البكره ياهل مزاين

وعليكم السلام

ارحب يامحمد

هذا مرض السلاق ماله علاج

والافظل انك تعزل ناقتك لانه مرض معدي

وطلعلك بيطري يحلل ناقتك للتأكد من الحاله

والله يشفي ناقتك انشاء الله

رد: وش علاج البكره ياهل مزاين

يا بو حمد هذا مرض السلاق وله دواء عن الدكاتره البيطرين بودره بس ما يحظرني اسمه
لكن الحقها قبل يزايد مرضها
الله يشافيها ان شاء الله

رد: وش علاج البكره ياهل مزاين

سوى كان سلاق ولا غيره انتبه لايصيب ناقتك جفاف امرس لها تمر بالماء كل يوم وغرها ابه الصبح والمساء
لحد ماتطلع الدكتور

رد: وش علاج البكره ياهل مزاين

البكره مأكله شي معارضها والأعراض خطيره يامحمد ثلاث ايام ولا طلع دكتور؟
السلاق مقدماته كثيره ويستبعد تماماً
التسمم المعوي من أعراضه هو الاسهال
اقرب دكتور لك متمكن لازم يشوفها اليوم

رد: وش علاج البكره ياهل مزاين

الحالة الي ذكرت 90% مرض السلاق والله أعلم عليك بشاي الورق بدون سكر طريقة تشوي شايك العادي بس بدون سكر مع الورق تشخل الورق الشاي وتلقم البكره ورق الشاي مع بعض الماء وأثناء الغر امسك لسان البكره علشان مايدخل ماء داخل الرئه أول 3 ايام صبح ومغرب وأذا خف السهال مره باليوم وأذا ضل علي حالة امرس تمر ولقمه وزبادي وسفن أب وفي بودر مال الاسهال هذا طيب وضيفه مع الي قلت لك .

أول بداية العلاج هو علاج السهال والله أعلم

رد: وش علاج البكره ياهل مزاين

الحالة الي ذكرت 90% مرض السلاق والله أعلم عليك بشاي الورق بدون سكر طريقة تشوي شايك العادي بس بدون سكر مع الورق تشخل الورق الشاي وتلقم البكره ورق الشاي مع بعض الماء وأثناء الغر امسك لسان البكره علشان مايدخل ماء داخل الرئه أول 3 ايام صبح ومغرب وأذا خف السهال مره باليوم وأذا ضل علي حالة امرس تمر ولقمه وزبادي وسفن أب وفي بودر مال الاسهال هذا طيب وضيفه مع الي قلت لك .

أول بداية العلاج هو علاج السهال والله أعلم

اتفق معك 100%
ولكن الدكتور لازم يشوفها

رد: وش علاج البكره ياهل مزاين

الله لا يهينكم جميع رحت لبيطري وشرحت حالها له وعطاني محلول وابرتين وكنها اشوا من قبل وعسى الله يشفيها ولا يريكم وكروه

رد: وش علاج البكره ياهل مزاين

الله يشفيها اللي اعرفه ان السلاق نوع من انواع الهيام وعلاجه عسر لكن اعزل البكره عن البل لانه معدي وانا قريت ولا جربت ان علاجه كالتالي:
1-جرعات عالية من ابرة الحليب ( بنسلين ستريبتومايسين ) بجرعة 1مل لكل 15 كيلو لمدة خمس ايام متتالية
2- ادوية تخفيض الحرارة وضروري جدا جدا نتواصل فيها لمدة اربع ايام .
3- خليط من مضادين حيويين ( نيومايسين +اينروفلوكساسين ) مع بعضهم لمدة خمس ايام
4- مافي مانع من الفيتامين سي بشكل مستمر

* بخصوص العلاجات رقم 1 و رقم 3 لا تعطيهم مع بعض ,, افصل بينهم بوقتين مختلفين خلال اليوم يعني واحد الصبح والثاني المغرب .
* العلاجات 2 و4 مافيه مشكلة لو عطيتهم بأي وقت

والله يوفق الجميع للامانه منقوول