وش علاج أكل الدمن

السلام عليكم
ياربع شريت لي خلفه مصغر , ولاجاء مسيان عزلتها تمرح مع ولدها , وفي الصبح أظهرها مع البل والله يدفع البلاء ماترفع راسه عن الدمن ؟ مدي وش السوات ؟ هو أنا أخليها تمرح مع البل! لأنها ماتاكل دمنها الي في شبكها !والعصر ماتكل من الدمن الجديد ؟!
على العموم الي عنده علاج أو طريقه أو حاله مشابهه لايبخل علينا .
وهل عليها ضرر ؟

رد: وش علاج أكل الدمن

هذا وانا اخوك من الشعير ودامها كسبت هالطبع

مراح تنقطع عنه لين تغير طعامها تعطيها اي شي ثاني غير الشعير

رد: وش علاج أكل الدمن

هلا وسهلا
اكل الدمن يامشعل اول اسبابه الشعير وهو عاده قبل كل شي
يعني ممكن هالخلفه تسبب على باقي الابل بااكل الدمن والعكس صحيح
خل مراحها بعيد عن الابل اللي تكل الشعير وعلق الأملاح في اعمدت الشبك وارخ عليها البرسيم

رد: وش علاج أكل الدمن

عليك بالملح الازرق اللي عند البيطريين

رد: وش علاج أكل الدمن

وعليكم السلام

وإن شاء الله أنها مبروكةالخلفة
وسمّها Cleane

والعلاج الوحيد

خذ الشعير مجروش او مضغوط او بدّلها بوافي (وحده كافي).

رد: وش علاج أكل الدمن

اخوي مشعل كلام الاخوان صحيح واحب اضيف شئ عط ناقتك حبوب الدود ثلاث حبات وبعد خمس عشر يوم كرر الحبوب مره ثانيه وان شاء الله تشوف اللي يسرك ناقتك معها دود

رد: وش علاج أكل الدمن

يأخوان انا عندي ابل من يوم شريتهن ماعطيتهن شعير من خمس سنيين وقبل ثلاث سنيين كم وحده فيهن تاكل دمن وجبتلها ملح ازرق ومن ثلاث سنيين ماقطعت الملح عنهن والحمدالله ماعاد كلن دمن الى وحده منهم شكلها صارت عاده عندها

رد: وش علاج أكل الدمن

أشكر جميع الأخوان , بس يالربع العلف وافي الشعير ماأستخدمه!؟

رد: وش علاج أكل الدمن

أشبعهن من العلف والشعير بعدها ما عاد تشوف أكل الدمن

رد: وش علاج أكل الدمن

عليك بتنقيع الشعير بالليل وعطها الشعير الصبااااح

وحده بوحده

رد: وش علاج أكل الدمن

عز الله أكل البل للدمن ماااااااااله حل أبد

رد: وش علاج أكل الدمن

ماله حل ابد ادمان اولها دلع واخرتها ولع ههههههههه الا اذا ابلك تمسي بحوش ولا شبك اول شي غير محل المراح القديم وخل العامل ينظف الشبك الجديد كل صبح يومياً من الدمن اول بأول
اكرمهن بالعلف مثل ماقالوا الاخوان ونقع الشعير بالماء 3 ساعات على الاقل ولا استخدام شعير مجروش او وافي او صوامع .....الخ
الملح استخدم الأكياس يعني المطحون أفضل من القوالب لان القوالب تضر بسنون البل ( تاكل السن)
رش المراح كل 5 ايام بجره بالضغاط حق الرش (مجرب) .

رد: وش علاج أكل الدمن

حدث لنا نفس المشكلة الحل تعطي الإبل شعير مجروش وتعطيها بعض الحشائش وسوف تنقطع هذه المشكلة ويزين حلالك

رد: وش علاج أكل الدمن

عليك بالديزل في المراح خل العامل يجمع بعض الدمن ويرشه والملح والثوم تراه علاج الدود

رد: وش علاج أكل الدمن

ماقصرو الاخوان هذا من الشعير وقل العلف اترك الشعير وعطها مكعب الوافي وتبشر بالنتيجه

وعطها ملح الطعام المطحون كل ثلاث ايام كيسه ام ريالين