الله يجزاكم عني خير الجزاء

السلام عليكم ورحمة الله وبركاتة


اخواني المناعير اليوم عندي بكره لقحه حصلة في ديدها دم وورم في جنب الظره ودم صاب على رجولها من داخل

هل هو الحضاه وماهو علاجها بالتفصيل

ولا عليكم امرررررررر يالنشاما


الله يجزاكم عني خير الجزاء ويرزق من يجيب على تسألي ببنت فروع ولا حواره مزيووووونه ههههههه

رد: الله يجزاكم عني خير الجزاء

اذا الدم من الورم والورم انفقع ان شاءالله خير غسل الورم اذا هو منفقع اعصره لين يطلع الي فيه واغسله بي مويه وملح وبخ البخاخ الازرق
وان شاءالله يفيدونك الأخوان اكثر
اهم شي اغسله اذا هو منفقع واغسل المكان الي جاه دم

رد: الله يجزاكم عني خير الجزاء

نعم هذي حضاه

وعلاجها يفيدونك الاخوان اكثر

رد: الله يجزاكم عني خير الجزاء

اخواني

ظافر ال شداد + وافي ابن موطان

الله يجزاكم عني خير الجزاء

وننتظر باقي الاخوان

رد: الله يجزاكم عني خير الجزاء

شحم الذيب علاج لجميع امراض الديد
بس الحصول عليه صعب شوي

رد: الله يجزاكم عني خير الجزاء

عليك بالبخاج الازرق

وانتبه للمراح لاتعدي باقي البل لان مرض بكتيري ومعدي

رد: الله يجزاكم عني خير الجزاء

البخاخ الازرق يوميا + رش الديد بماء بارد يوميا + ابرة تراماسين 15 ملم ثلاث جرعات كل يومين ابرة اذا امكن
انا مجرب الطريقة هذي عندي في خلفتين ولله الحمد بعد 20 يوم مافيهن الا العافية // الابرة ماهوب لازم يكفي الماء والبخاخ لكن الابرة تعجل من الشفاء باذن الله ولها فوائد اخرى كثيرة

لكن انتبه تزود التراماسين لانه ياثر على الكبد // ومدري تاثر على اللقاح او لا

رد: الله يجزاكم عني خير الجزاء

هذي حضاة اغسلها بالديتول ورشها بالبخاخ الازرق اذا فيه دم او جرح واذا كان مسكر ادهنها بالمرهم لما ينفقع

والله يشفيها ويرزقك منها الانتاج الطيب