عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

الناقه اصبح جفنها منقطع اظنه من الشبك ورشها الراعي بالبخاخ المطهر.. مدري وش رايكم يااهل الخبره اقطعه ولا اخيطه ولا وشلون ؟ مدري يخيط من نفسه ؟؟
مع العلم ان المقطوع الجلد فقط .مامعه لحم .. ابي مشورتكم قبل ابادرها بشي .. وهذي صور الناقه ..

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

صورة الناقه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

انا قد صارلي هذا الموقف بس اخف من كذا مارشيتها بالبخاخ ولاشي بعد اسبوع طابت الناقه وماعاد فيها دم ومع الوقت جفنها طاب

وناقتك مع الوقت انشاء الله بتزين

من متى وهي مجروحه

والله يشفيها

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

الله يجزاك خير يافيصل
والناقه اليوم اصبحت مجروحه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

اقطع البخاخ الازرق حالاً ولاتقطع شي من العين ولاتلمسه
ويستخدم ابرة بنسلين لتجفيف الجرح وسرعة شفائه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

هذي الحاله صارت معي في حوار قبل اكثر من ثلاث اشهر

فقط الي عملته مويه وملح لتطهير الجرح .

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

انا مع الاخ عبدالعزيز وايضا عطها ابرة بنسلين وفيه عصار عند البيطري لاكن لاتهمل الجرح انتبه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

نظفه بمويه وملح .. ويبي يخيط مع الوقت .. ان الله اراد

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

أخوي حاتم ولايهونون أخواني وأحبابي الاوكسديما 20% اسحب في برواز 5 سي سي وشل الابرة وبخة في جفن الناقة 3 أيام وبتشوف شي يسرك بأذن الله

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

اخواني محمد التميمي .. عبدالعزيز التميمي ... صالح المحمدي ...فهد العتيبي....بدر العوام
الله لايهينكم ويجزاكم بالجنه ..

والناقه عطيتها ابرة بنسولين العصر ورشيت على عينها والباقي على الله

اخوي محمد الوهبي .. البخاخ المطهر ليه اقطعه ؟؟ انا ماارشه على نفس العين . ارشه على الجرح فقط

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

أخوي الاكسديما بأذن الله معقم ومضاد جربه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

الله لايهينك ويجزاك خير اخوي بدر وافي ماقصرت .. وان شاءلله بجربه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

ماعليها شر ان شاء الله

ومثل ماقالوا الاخوان دامك طقيتها بإبرة النسلين وطهرت الجرح فالناقه بتبرى ايام ويخيط وتزين الامور

كل شوي يجي معي نفس هالحاله اما فالحشو أو فالجل ولكن من فضل الله تبرى وانا ماسويت بها اي شي ولكنها اهون من هالقطع اللي بناقتك .

لكن البنسلين كافي .. وان كان شفت الجرح اندمل لاتنظفه كل شوي وتفتحه خله وهو يبرى ..

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

نعم نعم اقطع البخاخ وفيه العصار ما في بطنه اصفر لكن ما اعلم اسمه
الصيدلي يبي يعرفه

رد: عاجل .. ابي مشورتكم يااهل الخبره . الناقه جفنها منقطع شوفوا الصوره ؟؟

اخواني محمد التميمي .. عبدالعزيز التميمي ... صالح المحمدي ...فهد العتيبي....بدر العوام
الله لايهينكم ويجزاكم بالجنه ..

والناقه عطيتها ابرة بنسولين العصر ورشيت على عينها والباقي على الله

اخوي محمد الوهبي .. البخاخ المطهر ليه اقطعه ؟؟ انا ماارشه على نفس العين . ارشه على الجرح فقط

هلابك ياحاتم البخاخ الازرق نسبة الكحول فيه عاليه
وخطورته على العين لأمن قريب ولامن بعيد
يوجد مطهرات لاماكن العين وهي الماء والملح فقط
والبنسلين هو الحل الامثل لجرح الجفن