ناقه تشول ولاهي معشر ( ماهي لقحه ) وش علاجها ؟؟

اخواني الاعضاء السلام عليكم ورحمة الله وبركاته امابعد

انا شريت ناقه طيبه ومبين من ديدها انها قد ولدت بس المشكله انها يوم حديتها على البعير تشول على انها معشر والصحيح انها ماهي معشر وش علاجها ياهل العرف لاهنتوا

هل اعطيها ابر يسره ولا وش اسوي ؟؟؟

شاكرلكم جهودكم....

رد: ناقه تشول ولاهي معشر ( ماهي لقحه ) وش علاجها ؟؟

مرحبا اخوي سليمان وش اللي خلاك متاكد انها ماهي لقحه .واذا انت متاكد 100% ناقتك معشش بين قوسين( حمل كاذب) جب لك دكتور بدو بصير ينظف من الناقه واذا فيها وذم يقطع منها والله يكتب لها اللقاح وتمنح من لبنها الزمان الجاي .

رد: ناقه تشول ولاهي معشر ( ماهي لقحه ) وش علاجها ؟؟

امين والله يجزاك خير يامحمد والله يبارك لك بحلالك وعيالك..
انا متاكد انها ماهي لقحه ...
بس هل تنفعها الابره اللي تخليها تيسر ؟؟؟؟

رد: ناقه تشول ولاهي معشر ( ماهي لقحه ) وش علاجها ؟؟

قبل اي شي الدخول على الناقه وتنظيفها وبعدها فكر في موضوع ابرة اليسره
والديد ماهو دليل قاطع انها قد استالدت من قبل

رد: ناقه تشول ولاهي معشر ( ماهي لقحه ) وش علاجها ؟؟

قبل اي شي الدخول على الناقه وتنظيفها وبعدها فكر في موضوع ابرة اليسره
والديد ماهو دليل قاطع انها قد استالدت من قبل

مع ابو صالح في رايه التنظيف التننظيف

وبخصوص الديد مهو دليل فعلا يمكن مضيره

رد: ناقه تشول ولاهي معشر ( ماهي لقحه ) وش علاجها ؟؟

محمد الوهبي التميمي
وافي بن مليح بن موطان

.الله يجزاكم عنا خير الجزاء على اهتمامكم وردكم الوافي وصلت المعلومه.. لاهنتوا.

رد: ناقه تشول ولاهي معشر ( ماهي لقحه ) وش علاجها ؟؟

قبل اي شي الدخول على الناقه وتنظيفها وبعدها فكر في موضوع ابرة اليسره
والديد ماهو دليل قاطع انها قد استالدت من قبل

كلام سليم علاجها ان شاء الله الادخال الادخال الادخال انا نفس الحاله وطلعت مو معششه طلعت قراينها منسدة ومحتقن الدم فيها وما قصروا الاخوان لكن عليك باابره اليسرة الغاليه بـــ85 ريال على مااعتقد

رد: ناقه تشول ولاهي معشر ( ماهي لقحه ) وش علاجها ؟؟

الله يجزاكم كل خير ياشيخ بندر والادخال والتنظيف هل هو عن طريق الدكتور البيطري اللي يدخل على الناقه وينظف رحمها

رد: ناقه تشول ولاهي معشر ( ماهي لقحه ) وش علاجها ؟؟

مساء الخير الناقة فيها (صديد)
اعقل الناقة واقطع وجود الفقار ثم بيبين في الرحم
لحم صغير في اطراف الرحم قم بقص من اللحم
وعندما يدمي فكها ثم هد عليها الفحل ولا يقربها الملح خذ بالك من ( الملح)
اسئل مجرب في هذا العلم
احذ التنظيف

رد: ناقه تشول ولاهي معشر ( ماهي لقحه ) وش علاجها ؟؟

لاهنت ياسالم ال حيدر شاكرلك مرورك.

رد: ناقه تشول ولاهي معشر ( ماهي لقحه ) وش علاجها ؟؟

ياليت ياسالم تشرح لنا طريقتك مره ثانيه وبالتفصيل جزاك الله خيرا

رد: ناقه تشول ولاهي معشر ( ماهي لقحه ) وش علاجها ؟؟

مساك الله بالخير يالخالدي .

الناقـه يا انها تبي تنظيف رحم .. ( معشش ) او حاطين الشريطيه فيها شي يعشر بهاا !!

أو انها معشر (بصيد ) تشاول نص شوال وترغي وتهرب ..

اطرح الناقه وثنّها وفقّر لها واكشف عليها كان فيها صيد اقطعه وانتبه كان ماتعرف دور لك رجالً خبير يقطع عنهااا والله هو المعطي .


( دور البدوي راع البل ) البيطري مامنه فوووووود !!

وابر الجسره والتثبيـت ( لاتقربهااا ) !!


.....................