رجول القعود قوست

السلام عليكم ورحمة الله وبركاته
يالربع عندي قعود لقي هالربيع جاه مشكله برجوله الثنتين صارت مقوسه وخفه قدام وياطا على العضم يديه سالمه مافيها شي والمشكله وراء وممشاه غريب كن رجليه ماهي معه مدري المشي يفيده ولا يزيده وش بلاه وما نستغني عن خبرتكم احبتي وجزاكم الله خير

رد: رجول القعود قوست

من الممكن أنها تكون ليـن في عظامه ،،

من الافضل أنك ما تخليه يمشي كثير في الوقت الحالي ،،

وعلاجها إن ما خاب ضني هو { الكي } ،،

وأنتظر الاخوان لربما يفيدونك بما هو أفضل ،،

رد: رجول القعود قوست

وعليكم السلام

يامرحبا اخوي حمود

لاتخلي القعود يمشي كثير ولاعلاجت القعود خله في شبك وتكون ارضيت الشبك حجريه عشان تقوى الرجل

انا اول مره اسمع ان فيه لين في الرجول انا قد كويت في اليد عندي ثلاث بكار يومهن مفاريد وطابن

يمكن فيه لين في الرجول ماادري ان كان فيه وعلاجها أكيد الكي وحبوب النحاس على جرعتين جبلك دكتور شعبي وخله يكوي الناقه من كل رجل اربع كويت صغيرة في كل الأربع جهات مثل كذا +

والله يشفي قعودك وإنشاء الله بطيب

وتقبل تحياتي

رد: رجول القعود قوست

صور مقطع للقعود وممشاه ومكان العلة وراح يفيدونك الأخوان أفضل

رد: رجول القعود قوست

٨ حبات نحاس لمدة اربع اسابيع مثلا كل خميس ٨ حبات لمدة شهر
عزله في شبك صغير وارضه صلبه
اخلط قليل من الحلبه مع الشعير
اخلط له من الحشائش كالبرسيم والذره والتبن والرودس

رد: رجول القعود قوست

ما قصروا الاخوان وخصوصا الاخ محمد

رد: رجول القعود قوست

مرحبا يا اخوان الله يجزاكم خير ماقصرتو واشكر كل من مر على الموضوع
وان شاء الله من بكره رايح ابدا معاه طريقة اخوي محمد وكلها موجوده وسهله
وبالنسبه للكوايا اخوي فيصل والله مااعرف اماكنها بس باخرها شوي كان ماتحسن ولا بندور واحد يكوي
والله يكتب الى فيه خير

رد: رجول القعود قوست

ياحمود مع برنامج محمد الي قاله يبي للقعود كويه ان طعت شوري

الزند اذا ابطى ماعاد ينفع معه شي

والكوي بدري دايم ناجح

وبخصوص الكوي رقوم على المفصل سهله جدا اذا مانفعت ماضرت باذن الله

رد: رجول القعود قوست

ياحمود مع برنامج محمد الي قاله يبي للقعود كويه ان طعت شوري

الزند اذا ابطى ماعاد ينفع معه شي

والكوي بدري دايم ناجح

وبخصوص الكوي رقوم على المفصل سهله جدا اذا مانفعت ماضرت باذن الله

مرحبا ياوافي طيب كوي الزند الى برجلين مثل الي باليدين لان قعودي مشكلته بالرجول ولا له كوايا تختلف

رد: رجول القعود قوست

بالرجول !؟؟

ماعندي خبر فيه واول مره اسمع ان اللين يصيب الحاشي في رجوله

لكن الكوي ينفع مايضر وياليتك تستعجل فيه واعتقد ان الرقوم طيبه ولا حلق عليه بمطارق صغار

المهم وانا اخوك لا تاجل الكوي الزند عاقبني عقوبه وكله بسبب تاخير الكوي وبجهلي بموقعه

صاب عندي اربع بكار وقعود ولا عتق الا وحده كويتها بنفسي ولله الحمد سلمت

رد: رجول القعود قوست

هذا ماهوب لين

ولا تكويه انتبه

حطله شبك ووثقه مضبوط وفك القعود فيه طلق خله يتحرك فيه

ولا تربطه ولا شي قعودك ان مافكيته من الرباط بتعيب رجوله

وان شفت فيه تحسن شوي فكه مع البل ولاتنسى تعطيه حلبه واي شي مقوي للعضام والاعصاب

هذا بسبب ان الرباط يمسكه وهو يوقف على رجوله يتراكى عليها ويخايل لامهاته وطول في الرباط وتحنت رجليه لقدام

رد: رجول القعود قوست

هذ من اسباب الربط والنقص في نوعية التغذيه

1-حبتين نحاس اسبوعيcopper capsules على شرط انتاج فايزر
2-كالسيوم calcium
3-فيتامين ad3e
4-فيتامين بي 1
تتوفر في بعض الصيدليات عباره عن بودر يمكن خلطها واضافتها للعلف
يجب ان يفك القعود بارض صلبه ويرش على مفاصل الرجل سم الجره مخفف بالماء يومي مرتان على الاقل

رد: رجول القعود قوست

جزاك الله خير يالمنصوري وصحيح القعود طول بالرباط