تورم زور البعير افيدونيي ياهل العرف

السلام عليكم اعضاء ومشاركين المنتدى
عندي بعير هجرته بهجار مريح مايعسره فالممشا لكن شكله مايعرف الهجار شريته بالقيض وجاني مقيد من ديره بعيد
بعد اسبوع من هجاره تورم الزور ثم شديت من مكاني حوالي ثمانين كيلو وكان طلق اثناء الشديد بعد الوصول الى الموقع
لاحضت عليه زياده في تورم الزور مماسبب له جروح في مذارعه من داخل جهة الزور علما بأنه ضرب ثلاث نياق
قبل هياجه وهو بدين بالحيل وقبل تورم الزور وقبل هجاره ماهو العلاج الله يجزاكم بالخير

رد: تورم زور البعير افيدونيي ياهل العرف

القيد والهجار ما أتوقع أنه السبب ولكــن تأكد أن البعير الي فيه ماهو خراج ؟!!

ولو تصور لنا مكان الورم نقدرر نفيدك أكثر أخوي ،،

رد: تورم زور البعير افيدونيي ياهل العرف

هذا سرر

ولا له الا الكوي

رد: تورم زور البعير افيدونيي ياهل العرف

اتوقع والعلم عند الله ان بعيرك فيه جنفه حسب مافهمت من شرحك


وان كان فيه سرر مثل ماقال اخوي وافي

هل هو في نص بركة الزور

ولا على حرف الزور

وانتبه من العمليات في هذه المنطقه خاصه والكوي هو علاجه تحلق عليه مضبووط
ولا تطبب فيه اتركه بعدها .

رد: تورم زور البعير افيدونيي ياهل العرف

لازم تصور البعير لكي يتم تشخيص الموض

رد: تورم زور البعير افيدونيي ياهل العرف

فيه دواء ( علبه ) تباع في الصيدليه

عليها صورة ناقه تضربه بها مره وحده

وخلال اسبوع تبين النتيجه ان شاء الله وسوف اضيف اسم الدواء ان شاء الله اليوم

رد: تورم زور البعير افيدونيي ياهل العرف

طبيعي اللي فالبعير
الهجار توه البعير يعرفه وانت تأله ٨٠ كيلو
اربط البعير وبيطيب من حاله اهم شي لايتعدى مربطه هالفتره الا اذا بيضرب

رد: تورم زور البعير افيدونيي ياهل العرف

أتوقع مثل ما قال الاخ بــدر خراج