ياااااااااااهل العرف

يالربع البعير اضرب من شهر ولا القح بعض البل ردها مرتين ما عشر عليه شي الين الحين مع انه ما عصب الاالحين افيدونا ياهل العرف الله يجزاكم خير

رد: ياااااااااااهل العرف

السلام عليكم ورحمة الله وبركاته
اول شي البعير وش سنه؟
ثاني شي البل اللي اضربها البعير مجاسير يعني تبرك للبعير والا انت اللي تطرحها له؟
في انتظارك

رد: ياااااااااااهل العرف

عليكم السلام ورحمة الله وبركاته
هلا اخوي فرج
البعير كبير في سنه شاق البل يطرحها البعير هو وبعضها ردها بعد 15 يوم مره ثانيه ولاشفت شي عشر منها مع ان الراعي طرح له عجوم صغار لقايا2 وجذعه

رد: ياااااااااااهل العرف

طيب البل كبار ووش اوضاعها(يعني حيل والا عشاير)؟

رد: ياااااااااااهل العرف

اغلبها عشاير فيها خفوت وحده والعجوم الثلاث

رد: ياااااااااااهل العرف

انا سالتك وانت جاوبت على اسئلتي والحين اقدر اجاوبك
ما دام انك تقول البعير كبير في سنه يعني اضرب والقح عندك السنه اللي راحت
فا بكذا نستبعد البعير من المشكله الا اذا كان يطرح من ادنى البل(لا تستبعد هالشي لانه صار معي بعير مزرعه ما يعرف اللقحه من المجسر فكيته وعلى اول ناقه قدامه لقحه لها حول ثلاث شهور ويالله رديته عنها والحين الحمدلله على وشك ولاده)
اما العشاير والخفوت شيك عليهن لا يكون فيهن صيد
اما البكار فما اتوقع انهن مجاسير عشان كذا ما عشرن
شيك ورد لي خبر
واي استفسار انا حاضر

رد: ياااااااااااهل العرف

بيض الله وجهك اخوي فرج وياليت اقدر اتواصل معك هذا جوالي 0557240444

رد: ياااااااااااهل العرف

دكها برسيم اسبوع وفتشها والله يرزقك

رد: ياااااااااااهل العرف

إن شاء الله البعير ما عليه خلاف بإذن الله ،،

أنت فتش في الابل وحاول أنك تقطعهاا عن الصيد ونظف عنهاا وبإذن الله تشوف ما يسرك ،،

ومن ناحية البكار عد عليهن الضراب أكثر من مره وإذا ما ألقح فتش عنهن كذلك ،،

وإذا ما عشرن الابل الكبار ولا البكار لازم يجرى تحليل للبعير للسائل المنوي ،،

رد: ياااااااااااهل العرف

ليش مستبعدين ان البعير منفضخ ؟ يمكن منفضخ يطرد بهالبل وهو ماعصب (قفل)
يا خالد ان كان بعيرك لا استشمل ينفهق لوراء ويتعب (يفحم) بسرعه تراه منفضخ وبيضرب ولا يلقح والله اعلم

رد: ياااااااااااهل العرف

[QUOTE=بدر النفيعي;563202]

إن شاء الله البعير ما عليه خلاف بإذن الله ،،

أنت فتش في الابل وحاول أنك تقطعهاا عن الصيد ونظف عنهاا وبإذن الله تشوف ما يسرك ،،

ومن ناحية البكار عد عليهن الضراب أكثر من مره وإذا ما ألقح فتش عنهن كذلك ،،

وإذا ما عشرن الابل الكبار ولا البكار لازم يجرى تحليل للبعير للسائل المنوي ،،

هلا اخوي بدر بيض الله وجهك

رد: ياااااااااااهل العرف

ليش مستبعدين ان البعير منفضخ ؟ يمكن منفضخ يطرد بهالبل وهو ماعصب (قفل)


يا خالد ان كان بعيرك لا استشمل ينفهق لوراء ويتعب (يفحم) بسرعه تراه منفضخ وبيضرب ولا يلقح والله اعلم

هلا اخوي بندر الفحل ما تلاحظ على ضرابه شي ابد ولاينفهق ولا يتعب ولايفحم