وش علة هالفحل

السلام عليكم ورحمة الله وبركاته

اخواني ابي استشيركم في موضوع وهو

كلمني واحد من الربع يقول عنده فحل ثني توه مشتريه و لا بعد اضرب حتى عند راعيه الاولي

والفحل ماهاج ولاهو حول هياج يتكرف بعض الاحيان ولاهوب دايم والبل مياسير عنده

ولكن مايلتفت لها مره لدرجة أن البل تبرك عنده ولا يعاين فيها

وش تنصحونا فيه

رد: وش علة هالفحل

خل راعيه يجرب معه الحلبه المطحونه بمقدار كأس ماء يوميا مع الشعير ويعطي شراب الدود قبلها ويكرره بعد إسبوعين. وفيه إبرة فيتامين B المركب مع إبرة السلينيوم E يعطيها البعير في اللحم وراح يعلمه البيطري بالجرعه على 3 أيام مع شراب فيتامينات يعطى في الماء لمدة 3 أيام((كل الوصفه هذي قيمتها ماتتعدى 100 ريال) وبعد كذا يهده مع البل أويربطه بينها وإنشاء الله بيهيج وبيلقح(((وصفه مجربه)

رد: وش علة هالفحل

مرحبا اخوي محسن والعرف مايعرض على عارفن له بس بنجتهد ولاهي بتغترك جب لك بعير ثاني وخله يضرب ناقة قدامه وعقبه هده في البل عساه يتنهض ويضرب .وان ماتحرك وهو ثني وبرد استغفر الله حتى الشيوخ اللي يقرون ماعاد يحركونه الا بامر الله .

رد: وش علة هالفحل

بلا بعيرك الغشامه

ولا اعتقد ان فيه مشلكه صحيه

رد: وش علة هالفحل

نفس المشكله عندي ونفس العمر
العلاج كالاتي
كلام ابوعدوه طبق بحذافيره
وأمس ضرب ضراب يهول مشاء الله
جب الفحل وخله يضرب قدامه لين ينقطع قلب الثني من الشوف
وعقبها شف الناقه اللي ميسر وفكه عليها

رد: وش علة هالفحل

اشكركم اخواني جميعاً على تعاونكم وردودكم السريعه

الاخ راعي البعير طلب مني انزل هالموضوع ويبي يتابع الردود

انا قدمت له عدة اقتراحات ومن ضمنها ماتطرق له الاخ بو عدوه والوهبي

ولكن ماحوله فحل قريب وبالنسبه للابر الرجال مستبعدها مايبي يستخدمها

لاهنتو جميعاً و ننتظر خبرات جديده لتعم الفائده للجميع

رد: وش علة هالفحل

أنا رأيي من رأي أخوي محمد أبو عدوة