يااهل العرف ( العجم يندخل عليها) ؟

السلام عليكم

العجم سنها ثنية ضربت جذعه وعشرت شهر وكسرت وضربت عقبها ولا عشرت
وضربت السنه ذي والى الان ماعشرت مع العلم انها مع البعير في شبك وميسر تبرك تحته من حالها
سمين وخفينا عنها وحالها دون الوسط ... هل اجيب بصير يدخل عليها ؟؟؟
افزعوا لنا بصرفه الله يرحم من جابكم

رد: يااهل العرف ( العجم يندخل عليها) ؟

الأدخال ما يضرها أن شاء الله وأشور عليك عطها ابره هيام الفرنسية قبل الأدخال بأسبوع وشفلك رجال خبير يدخل عليها ويتأكد من قراينها وينظفها من الصيد وبعد اربعة أيام أدخلها على البعير خله يضربها وأن شاء الله تلقح

رد: يااهل العرف ( العجم يندخل عليها) ؟

من رباع وفوق يندخل عليها لكن شف لك رجال باخس يقطع منها 100 % فيها صيد ما دام عشرت وكسرت

رد: يااهل العرف ( العجم يندخل عليها) ؟

مرحبا اخوي مايضر الادخال بداية من سن الثنيه.

رد: يااهل العرف ( العجم يندخل عليها) ؟

عليكم السلام ورحمة الله وبركاته

عشار شهر ماهو بعشار يمكن انه من الذل

والدس للناقه اللي قد استالدت خوف انها تكون فيها مشكله عقب لقاحها الاخير ولاباقي وسخ

والعجم لوها لي مادسيت عليها عطيتها ابر تنظيف وان شاء الله تلقح

خلها مع البعير وهو طلق واذا اضربها من نفسه وهي ميسر لقحت باذن الله

رد: يااهل العرف ( العجم يندخل عليها) ؟

الله لايهينكن يالربع واافين ولاقصرتوا

وش ابرة التنظيف ياراشد العرق ؟ وضح اسمها الله لايهينك

واشكركم لتفاعلكم وهذا من طيب ساسكم

رد: يااهل العرف ( العجم يندخل عليها) ؟

عليكم السلام ورحمة الله وبركاته

عشار شهر ماهو بعشار يمكن انه من الذل

والدس للناقه اللي قد استالدت خوف انها تكون فيها مشكله عقب لقاحها الاخير ولاباقي وسخ

والعجم لوها لي مادسيت عليها عطيتها ابر تنظيف وان شاء الله تلقح

خلها مع البعير وهو طلق واذا اضربها من نفسه وهي ميسر لقحت باذن الله

كلام سليم 100%
وازيد على كلام راشد
اذا عطيتها ابره التنضيف وضربت عطها ابره التثبيت

رد: يااهل العرف ( العجم يندخل عليها) ؟

كلام الاخ راشد العرق صحيح 100% وماخبرنا ان العجم يدخل عليها الا من الدكاتره اللي يبون المصلحه ولا العجم من خلقة الدنيا مايدخل عليها سو مثل ماقال اللخ راشد وفالها اللقاح .