السلام عليكم ورحمة الله وبركاته
عندي خلفه بكر قدمها حلبتهن ثقيله شوي
مدري وش علاجها
مانستغني عن فزعتكم يالنشاما
عندي خلفه بكر قدمها حلبتهن ثقيله شوي
مدري وش علاجها
مانستغني عن فزعتكم يالنشاما
-
-
رد: الخلفه البكر الي حلبة قدمها ثقيله شوي وش علاجها؟
مايشتكي من ثقل ديس الناقه الا المالك الجديد للإبل
والحل ان تحلب لين تعود يدك على حلبهاحاذور راعي مهرةً عديها زم ====== يحلبلها ملحاً عليهـا العمـودي
-
رد: الخلفه البكر الي حلبة قدمها ثقيله شوي وش علاجها؟
المشاركة الأصلية بواسطة فهد العضياني مشاهدة المشاركة
ماهو عند جديد ولا قديم الله يجزاك خير
القادم حلبته دقاقه شوي وهي ديسها تركيبته طيبه وسواعدها اطيب
فلاكن يقولون بعضهم يحط العويدي بحلمة الديس مدري هوله اضرار اوفيه شي افضل منه؟تعليق
-
رد: الخلفه البكر الي حلبة قدمها ثقيله شوي وش علاجها؟
مرحبا اخوي نوح اذا مافيه نفاخ الديد هذي خلقه وبعض الخلفات يجي ديدها حلبته قويه ويسمى في قاموس البدو(عزوز) وهذي خلقه من الله .تعليق
-
رد: الخلفه البكر الي حلبة قدمها ثقيله شوي وش علاجها؟
ارحب يانوح
بنشدك كم لك وانت تحلبها؟
ومتى هي انتجت؟تعليق
-
رد: الخلفه البكر الي حلبة قدمها ثقيله شوي وش علاجها؟
هلا وغلا اخوي محمدالمشاركة الأصلية بواسطة محمد ابو عدوة مشاهدة المشاركة
مافيه نفاخ الديد هذي طبيعته قدمها ثقيله شوي والوخر حلبتهن طيبهتعليق
-
رد: الخلفه البكر الي حلبة قدمها ثقيله شوي وش علاجها؟
هلا وغلا يامحمدالمشاركة الأصلية بواسطة محمد الوهبي التميمي مشاهدة المشاركة
من يوم ولدت وانا احلبها
لها تقريبآ عشرة ايام وهي اول ولده لهاتعليق
-
رد: الخلفه البكر الي حلبة قدمها ثقيله شوي وش علاجها؟
طبيعي يانوح وانت ناقتك بكر مع استمرار الحلب بيصير هشالمشاركة الأصلية بواسطة نوح العفيش مشاهدة المشاركة
والديد مايعطبه الا الحضاه او إهمال الديد وتحين الحليب فيه مع الوقت
ومع الوقت بتشوف التغير
وبعد شهرين عطنا علومها
وتقبل فائق احتراميتعليق
تعليق