مرض مفاجي

السلام عليكم اخواني اليوم عند ناقتين يضلعن ولاتاكل من المعلف حتى انها ماطلعت من الشبك حتى نقول صارلها شى برا الشبك والابل البقيه اكلهن صارضعيف والشعيركيس كامل يروح والحين ما راح الاربعه ابي السبب الله يجزاكم خير هل هذا مرض اوسبب

رد: مرض مفاجي

عليكم السلام

هلا يا خوي وصلت

اكيد من الشعير اكيد الابل عايفته

اذا كانت الابل كلها اكيد ان الشعير فيه شي

غير لها الشعير من غير الي شريته من قبل وبتشوف نصيحتي

لاهنت تقبل تحياتي

رد: مرض مفاجي

ان شاء الله ماعليهن خلاف
غير الشعير وتأكد من مصدره وطرق التخزين في الاعلاف
لازم تطلع البل اقل شي ثلاثه كيلو تمشى وتحرك بطونها
وانا متأكد أنهن طيبات اليوم
وبشرنا اليوم ياعبيد عنهن

رد: مرض مفاجي

طيب عشهن برسيم وشف أكلهن وشو قايل

احتمال الشعير فيه شيء او البل فيها هيام

رد: مرض مفاجي

اتوقع والله اعلم ان البل منبشمه

والضلاع من علامات البشمة

رد: مرض مفاجي

ماقصروا الإخوان وبشرنا عن البل اليوم ياخوي عبيد

رد: مرض مفاجي

البل بشما مغتثه اقطع الشعير عنها وامنعها من الماء

واللي تشوف انها متعبتها البشمة عطها كافي مع ماء غرها

رد: مرض مفاجي

السلام عليكم بيض الله وجيهكم يااخواني الابل تشالت والحمدلله رجعت عافيته شى بسيط والحقيقه ان الابل كانت في شديد يوم واحد ويوم جاء الصباح مثل ماذكرت سابقا مرضه والحمدلله هل يا اخواني الشديد يضر في الابل اي يوجعها تراني توني متبدوي وشكرا لكم

رد: مرض مفاجي

اصلن الابل تدور الشديد