عاجل يا هل الخبره والمعرفه

السلام عليكم ورحمة الله وبركاته


يالربع عندي ناقه لقحه انتاجها بعد شهر وهي بكر

من حوالي عشر ايام جا فيها نفخ اوتورم حول السر مع يمينه ويساره والورم قاسي ..

يالربع وشهو منه تكفون وهل يثر على ولادها

وش الدبره اتطبب فيها ولا اكويها

تكفون اسعفونا ياهل الخبره الله يجزاكم خير


علفها تبن اله يكرمكم ناقع على مدار الساعه

مع شعير وبرسيم في المساء بكميه قليله

رد: عاجل يا هل الخبره والمعرفه

اذا كانت الناقه عليها جنايب يمكن شادن على حوالب الناقه ومورمه

رد: عاجل يا هل الخبره والمعرفه

النفخ هذا عادي يجي الاباكير القحات في الشهور الاخيرة

وبعد الولادة يختفي لا تطبب في الناقه ولا تلمسها

رد: عاجل يا هل الخبره والمعرفه

سوائل وتعد طبيعيه
عليك بالمسراح الطيب وقلل الماء في هالفتره
بس المشي امر مهم لها لتسهيل الولاد

رد: عاجل يا هل الخبره والمعرفه

يجي ويروح باذن الله وانا شفته في بعض البل العام الماضي
خلها تمشي ولا فيها خلاف باذن الله

رد: عاجل يا هل الخبره والمعرفه

الامر طبيعي وان شاء الله لا باس بيختفي بعد الولادة

رد: عاجل يا هل الخبره والمعرفه

ماقصروا الإخوان خلها تسرح وماعليها
وخذها قاعده تجنب الكي لأي سبب في اللقحه
والبرسيم ماهوب طيب للقحات كثرته ممكن تسبب إصعاد
تحياتي يايزيد

رد: عاجل يا هل الخبره والمعرفه

فايز المغيري
مبارك العبدلي
محمد الوهبي
حاتم العمار

ياسر اسعد

مشبب شباب

ماقصر تو الله يجزاكم ويبارك فيكم ويطول عماركم
وهذا عشمنا فيكم وتوصياتكم توخذ بالاعتبار