الخلفه قل حليبها وجبن

الشباب حياكم الله
انا شريت خلفه وقبل اشتريها شفت حيبها زين وهديه وبعد يومين شان حلها و بطلت تعطف على حوارها عطيتها بنسلين وكنها زان حلها ورجع حليبها بس اليو م يوم حلبتها شفت حليبها قل وجبن او قطن وصارت ترغي
الي عنده معرفه لا يقصر

رد: الخلفه قل حليبها وجبن

على حسب معرفتي البنسلين يقلل من الحليب اذا مااوقفه

على كلام بيطري يقوله لي


بس احترازيا اضربها ابرة هيام وتاكد من الديد لايكون فيه ورم من داخل

رد: الخلفه قل حليبها وجبن

حياك الله ابو محمد

كلمت البيطري وقال هذا التهاب ونصحني اكمل خمس ايام بنسلين وعطاني ابر مرهم لديد احقنها داخل الديد

رد: الخلفه قل حليبها وجبن

بعض الشريطيه غشاشين والله المستعان قبل يجلب الناقه مايحلبها يومين او أكثر أو يعطيها إبره مدره
عشان لما إنه جلبها يكثر حليبها ويغش الشاري وهذا إحتمال وبعضها تكون مضيره على غير ولدها!!
وودي أسألك ياخوي منصور عن سن الناقه وكم لها خلفه وويش تتطعمها وهل ديدها سليم أو فيه وريم؟؟عشان تتضح الصوره
ويقدر يفيدونك الإخوان

رد: الخلفه قل حليبها وجبن

الناقه ثنو وعمر حوارها 17 يوم وديدها فا فيه وريم وعلفها برسيم

رد: الخلفه قل حليبها وجبن

يمكن ديد الناقه مخبش من البرسيم والله اعلم وهذي علامات الخباش اللي ذكرت اشوف انك تقطع عنها البرسيم 3 ايام وتستمر على البنسلين وتنظف ديدها يوميا بعد كل عطفه وترشه بماء بارد مرتين باليوم على الأقل وفك الناقه خلها تسرح ترى مايخبش بالناقه الا البرسيم وقلت المشي

رد: الخلفه قل حليبها وجبن

استمر مع البنسلين وعطنا النتائج بعد اكتمال الجرعات

رد: الخلفه قل حليبها وجبن

مرحبا اخوي محمد
ابشرك ان الناقه صحت وحليبها صر زين وكثر بعد 5 ايام بنسلين
لكن عندي سؤال بعد كم يوم اشرب الحليب بعد توقيف البنسلين