ابي النصيحة في الخلفة اللي حليبها مايجي عليه رغوه

عندي خلفة لها شهرين منتجه وحليبها وسط واكلها برسيم وتمر وخبز ناشف
مشكلتها ان حليبها ما يجي عليه رغوة مثل خواتها وحليبها ثقيل شوي مع انها ام ثالث
وصحتها زينة ماشاءالله والبرسيم ناقع مايفضى المعلف منه


وش النصيحة في مثل حالتها

رد: ابي النصيحة في الخلفة اللي حليبها مايجي عليه رغوه

غير عليها العلف ,, بمعنى فكها ترعى وتاكل حمض وغيره .
وقد تكون المشكلة من الحلاب نفسه .

رد: ابي النصيحة في الخلفة اللي حليبها مايجي عليه رغوه

الحلاب يحلب غيرها ومافيه مشكلة والحمض ماحولنا حمض

رد: ابي النصيحة في الخلفة اللي حليبها مايجي عليه رغوه

دقها إبرة هيام الفرنسية

(( سيميلرسان ))

وعقب ساعة أحلب وإغتبق وفيه العافية

وسلامتك

رد: ابي النصيحة في الخلفة اللي حليبها مايجي عليه رغوه

خلها على البرسيم وبس واقطع عنها التمر والخبز وخلها تمشي واذا ما طلع لها رغوه فالبلا ماهو من العلف من الناقه

رد: ابي النصيحة في الخلفة اللي حليبها مايجي عليه رغوه

السلام عليكم
الظاهر انه من الديره او الارض اللي انت نازل فيها رعيها يمكن وخام يعني الشجر اللي حوللك
يمكن مر طعمه والله اعلم

رد: ابي النصيحة في الخلفة اللي حليبها مايجي عليه رغوه

امنعها من الخبز
والاكتفى بالبرسيم فقط

رد: ابي النصيحة في الخلفة اللي حليبها مايجي عليه رغوه

دقها إبرة هيام الفرنسية

(( سيميلرسان ))

وعقب ساعة أحلب وإغتبق وفيه العافية

وسلامتك

الي اعرفه ان ابرة الهيام ما ينشرب حليبها الا بعد 14 يوم

وبالنسبه للناقه يا راعيها ديدها فيه شئ ؟ ورم خباش ؟

رد: ابي النصيحة في الخلفة اللي حليبها مايجي عليه رغوه

علف خبز فقط وتشوف الرغوه....وايضا اضربها ابرة الهيام حتى لولم يظهر عليها اعراضه

رد: ابي النصيحة في الخلفة اللي حليبها مايجي عليه رغوه

مع الأخ محمد التميمي 100%
وفق الله الجميع ..

رد: ابي النصيحة في الخلفة اللي حليبها مايجي عليه رغوه

السلام عليكم

الرجال يقول حليبها ماعليه رغوه مثل باقي الخلفات (خواتها)
يعني خواتها مابها بلا
واذا علفها واحد
البلا في الناقة
مع الاخ فهد "ابرة الهيام"
ومع الاخ عبدالعزيز في مدة الانسحاب
يعني لا تشرب حليبها الا بعد 14 يوم
وتحياتي للجميع

رد: ابي النصيحة في الخلفة اللي حليبها مايجي عليه رغوه

السلام عليكم
أرحبو يا رجال
والله العالم أن الرغوة مرتبطة بالدود ، عطها شراب دود ( فيه شراب دود جالون أبيض 1 ليتر عطاه أحمر ) 3 مرات كل عشرة أيام على جوع . وبتشوف الرغوة كيف.

رد: ابي النصيحة في الخلفة اللي حليبها مايجي عليه رغوه

امنعها من الخبز
والاكتفى بالبرسيم فقط

كلام سليم 100%

رد: ابي النصيحة في الخلفة اللي حليبها مايجي عليه رغوه

مرحبا يا بوناصر .. ولا يهونون الربع .. الكل أجتهد ولا قصروا وأنا بصير منهم وبعطيك العلم اللي في راسي .

عطها حبتين دود وبعد أسبوعين حبه .. وبعدين إذا تبي الرغوة صح عطها ذره وبتشوف الرغوة .

ولكم تقديري .. أبوعبدالرحمن

رد: ابي النصيحة في الخلفة اللي حليبها مايجي عليه رغوه

والله تعددت الاقاويل وكثرة العلاجات والطعام

عطها ابرة هيام وكررها عليها عقب 21 يوم وخلها على جنب لاتحلبها دام عندك مايسد محلها

من واقع تجربه سابقه

والبرسيم والشعير هو العلف للحليب