الناقة انتجت ومات حوارها متى تضرب؟؟

السلام عليكم ورحمة الله وبركاته



السؤال الي يسدح نفسه



اذا ولدت الناقة ومات حوارها


متى افضل وقت لضراب بعد الولاده


واذا اضربها البعير بعد اسبوعين


هل فيه مشكله عليها او على البعير



تجاربكم يا الغالين

رد: الناقة انتجت ومات حوارها متى تضرب؟؟

اذا كانت الناقه والد ضـرابها بعد اسبوعين مافيه مشكله
اما اذا كانت الناقه طشت ولدها قبل وقت الولاده فاضل بعد شهرين
عندي ناقه انتجت في شهر 11 وبعد اسبوع من ولادها طرحاها البعير واظــربها والان الناقه معشر والله لـــو اني ابيها تمسك عشارها كان يمديها كـــاسره بس يقولون تجري الرياح بما لا تشتهي السفن وسلامتك ياعبدالعزيز

رد: الناقة انتجت ومات حوارها متى تضرب؟؟

الله يسلمك اخوي عبدالرحمن

ابيض وجه

جعل ربي يطول عمرك ويحرمك عن النار

رد: الناقة انتجت ومات حوارها متى تضرب؟؟

المصعد بعد 40 يوم واللي ميت ولدها بعدشهر من الولادة أفضل للناقة والبعير هذا والله أعلم

رد: الناقة انتجت ومات حوارها متى تضرب؟؟

مرحبا أخوي عبدالعزيز ..

المصعد بعد 40 يوم .. واللي ميت ولدها من بعد 3 أسابيع .

ولكم تقديري .. أبوعبدالرحمن

رد: الناقة انتجت ومات حوارها متى تضرب؟؟

طيب الناقة المصعد نفكها مع البل علما بأن البل فيها لقحات

رد: الناقة انتجت ومات حوارها متى تضرب؟؟

من واقع التجربه
اذا طلبها البعير خله يضربها ومافيه خلاف باذن الله
عندي ناقتين تعاشرن خلال اقل من 10 ايام من ولادتهن
الاولى مموت والثانيه مصعد والان متالي

رد: الناقة انتجت ومات حوارها متى تضرب؟؟

من واقع التجربه
اذا طلبها البعير خله يضربها ومافيه خلاف باذن الله
عندي ناقتين تعاشرن خلال اقل من 10 ايام من ولادتهن
الاولى مموت والثانيه مصعد والان متالي

ارحب يبو حاتم

لا يخفى عليك المصعد لها وقت لينظف الرحم بعد الاصعاد ومدى خطورت ذلك على الفحل

والمصعد تمنع من الفحل حتى لو طلبها حمايه للفحل ولا الناقه في العاده ليس عليها خلاف

اما المموت والخلفه تضرب بعد 20 يوم

ولو اني اعرف خلفه طرحها الفحل بعد اسبوع من الولاد وعشرت والحين خلفه بثانيها

وهذي حالات فرديه لا يعتد بها ولا يحكم بها فلعلك ذكرت التجربه ولكن لا تخالف منع الفحل من المصعد

رد: الناقة انتجت ومات حوارها متى تضرب؟؟

ارحب يبو حاتم

لا يخفى عليك المصعد لها وقت لينظف الرحم بعد الاصعاد ومدى خطورت ذلك على الفحل

والمصعد تمنع من الفحل حتى لو طلبها حمايه للفحل ولا الناقه في العاده ليس عليها خلاف

اما المموت والخلفه تضرب بعد 20 يوم

ولو اني اعرف خلفه طرحها الفحل بعد اسبوع من الولاد وعشرت والحين خلفه بثانيها

وهذي حالات فرديه لا يعتد بها ولا يحكم بها فلعلك ذكرت التجربه ولكن لا تخالف منع الفحل من المصعد

حياك الله وبياك ........نعم صدقت هذا هو المشهور عند البدو من اول وهالحين
لكن انا اتكلم عن تجربتي بعدم وجود ضرر ولامر علي ان الفحل او الناقه تضررت عدا اللي اسمعه من الناس
من اول لاشفت الفحل يبي المصعد سويت حالة استنفار والان بصراحه ما اهتم لعدم ثبوت الضرر من تجربتي فالاصل عندي ان مافيه خلاف والكلام عن الفحل المهدوداللي يعرف الناقه ويكرفها ويبين جسرتها اما المربوط المقرّع فلا
اللي صار عنده شخصيا تجربه تضرر فيها الفحل اوالناقه نبيه يعلمنا علشان نستفيد
(يمكن تطلع اشاعه)
تقبل تحياتي وتقديري

رد: الناقة انتجت ومات حوارها متى تضرب؟؟

اضرب عندي جاري قبل 3 سنين من حرصه على ضراب الناقه من فحلي

ولا قالي انها مصعد قبل اسبوعين ومن برك عليها البعير واضربها ضهر منها دم

وعقبه البعير انتفخ محواه ولا عاد جرد ذكره وشان البعير

وقعدنا نعالجه 3 اشهر بنسلين وعلاجات لين طاب ولا اضرب عقب ذا الجربا ناقه ذاك الزمان

لكن يمكن الفرق في من نطلت حوارها ومن مات حوارها في بطنها

ولو اني لا اعلم عن ناقة رفيقنا هل مات فيها ولا اصعدت به

رد: الناقة انتجت ومات حوارها متى تضرب؟؟

اذا مات ولد الناقه وهي مصغراتركها الى ان تجسر للبعير ثم اضربها مافيه مشكله
لان الناقه ما تجسر ورحمها فيه من بواقي الولاده شي نهائيا
من واقع تجربه مع شيباننا الاولين