عاجل الناقه بعد الولاده تنزف وماتوقف الدم

مساكم الله بالخير جميعا

عندي ناقه بعد الولاده من ثاني يوم او اليوم جاء معها نزيف
يسمونه البدو ابحار وله كي

هل يوجد علاج بيطري او شعبي

افزعولي بوصفه عاجله

رد: عاجل الناقه بعد الولاده تنزف وماتوقف الدم

هلا اخوي سعد

صار عندي في ناقتين واخذت من الصيدليه علاج ابره فيتامين K

وسلمن ابشرك والله يعافي ناقتك انشاء لله

رد: عاجل الناقه بعد الولاده تنزف وماتوقف الدم

هلابك يامحمد
خذيت نفس الابره اللي تقول واعطيتها الجرعه الاولى العصر وماتوقف النزيف

واعطيتها الجرعه الثانيه قبل شوي

بنتظر الى بكره الصبح اذا ماتوقف كويتها

جزاك الله خير

رد: عاجل الناقه بعد الولاده تنزف وماتوقف الدم

أخوي سعد هذا يسمونه السفاح وعلاجه الكي

على ملتقى الخوارم مبدى الذيل

رد: عاجل الناقه بعد الولاده تنزف وماتوقف الدم

مع الاخ صالح حفظه الله
اسمه السفاح
وله ابر مر الصيدلي ويعطيك ابر توقف الدم
وكذلك مضاد حيوي وحبوب تنظيف لاتنساها مهمه جدا
لا تحقن المطيه دم عند توقف الدم
واقطعها من الماء اهمممممم شي انتبه
وصار معي في ناقة وراح شرها
والله يشافي ناقتك

رد: عاجل الناقه بعد الولاده تنزف وماتوقف الدم

بسم الله الرحمن الرحيم

مساء الخير يا بو ربيع الناقه من الأعراض اللي وصفتها فيها اسفاح
مر على الصيد ليه وأخذ
١- ابرة النزيف
٢- مغذي عن طريق الحقن في الوريد
٣- مضاد حيوي
٤- وعط الناقه حليب
٥- لقم تمر
وبعد يوم جيب الدكتور اذا كانت الناقه طيبه وتثور من المبرك وتسير اما اذا حالتها
تعبانه جيبه بسرعه وخله اينظف بطن الناقه من بقايا الدم لانه يسعر المطيه

وسلامتكم جميع
وعسى النصيحة اتفيد القراء

رد: عاجل الناقه بعد الولاده تنزف وماتوقف الدم

السلام علييييكم ارجو انت تتاكد فقط من الى لايكون رحمها مجرووووووح لان اذا انجرح رحمها جرح قوي بسبب الولاده اتكون حالتها خطره واسئل الله انه يشافيها ويباركك ابناقتك

رد: عاجل الناقه بعد الولاده تنزف وماتوقف الدم

جبت الدكتور وكشف عليها واتضح ان الرحم متجرح

واعطاها ابره والله مدري وشهي بس الناقه ان شاء الله اشوى من امس

اشكركم جميعا على تفاعلكم معي

رد: عاجل الناقه بعد الولاده تنزف وماتوقف الدم

مرحبا ياسعد
اذا ماوقف النزيف اكوها
عطها مطرقين واحد عن يمين
الذيل والثاني على اليسار
من الخويرم الى حد الحيا
وان شاء الله ماتشوف شر

رد: عاجل الناقه بعد الولاده تنزف وماتوقف الدم

مرحبا ياسعد

اذا ماوقف النزيف اكوها
عطها مطرقين واحد عن يمين
الذيل والثاني على اليسار
من الخويرم الى حد الحيا

وان شاء الله ماتشوف شر

وحده بوحده باذن الله