وش الحل مع الي ماعشرت

يربع عندي ناقه يمكن جاها ست مرات اضراب ولم يكتب الله لها اعشار مع العلم قبل اخر مرتين دخل عليها الطبيب ونضف مالقى شي وخواتها الحمدلله عشرو

بس هي معا انه على كذى بعير وين اهل الخبره والتجارب لفايدت الجميع

رد: وش الحل مع الي ماعشرت

هل أستالدت الناقه من قبل؟
هل هي ميسر؟
والإدخال هل كان للرحم أم مجرد كشف على حيا الناقه؟
أنتظر ردك عشان تتضح الصوره للجميع

رد: وش الحل مع الي ماعشرت

مرحبابك والله ينفع الجميع نعم الناقه قد استالدت والطبيب الي دخل علي الناقه فتش عن الصيد وشاف القرن انه زين مالاقا الاالتهابات بسيطه علي كلامه

رد: وش الحل مع الي ماعشرت

عطها إبرة اليسره إستروميت 10 مل
وبعدها ب 48 ساعه خل الفحل يضربها وإن شاء الله تلقح
هذا شوري وإن شاء الله مايقصرون الإخوان

رد: وش الحل مع الي ماعشرت

حياك اخوي
شف حيا الناقه اذا تحته مثل الما الابيض ترا فيها خباثه وله علاج وبسيط باذن الله

رد: وش الحل مع الي ماعشرت

عطها إبرة اليسره إستروميت 10 مل

وبعدها ب 48 ساعه خل الفحل يضربها وإن شاء الله تلقح
هذا شوري وإن شاء الله مايقصرون الإخوان

رايي مثل ماقالك أخي مشبب ولكنني اختلف معه في الوقت عطها إبره اليسره 10 مل وخلها 10 ايام لغرض التنظيف بعدين كرر ابره اليسره بمقدار 5مل وبعد اربع اوخمس ايام خل الفحل يضربها

رد: وش الحل مع الي ماعشرت

وش علاج خباثه.

رد: وش الحل مع الي ماعشرت

حياك اخوي
شف حيا الناقه اذا تحته مثل الما الابيض ترا فيها خباثه وله علاج وبسيط باذن الله

الاخ نايف او من له خبره وش الخباثه اللي تقصد ووش علاجها لأنا موجوده عندي في بعض الابل

والله يكتب اجرك

رد: وش الحل مع الي ماعشرت

المبايض عندها ضعيفه عطها ابرة لوتاليز 10 صانتي
وما يمنع لو تعطيها مع ابرة اليسره وبعد 5 ايام سقها على البعير