هل هذي هي كية الطرق ؟

السلام عليكم ورحمة الله وبركاته

لدي مفرود يحقق جاه الطرق ..

وبعد اصابته بكم يوم جبت معالج سوداني وكواه .. ويقول 15 يوم بالكثير ويمشي بعون الله

والى الان والقعود يضلع من يده .. وهذي صورة الكوي في ذراع اليمين لأهل الخبره

ارجو افادتنا هل الكيه صحيحه وهل هناك مكان افضل للكي .. علما اني مستمر في حبوب النحاس وشراب الكالسيوم

رد: هل هذي هي كية الطرق ؟

حياك الله

اول شئ القعود مافيه طرق

وهذا الكوي كوي حرده ماهوب كوي طرق

الطرق كوية على كرمة الخف اما يحلّق عليها ولا ترقم ولا تنفذ من رجال خبير ,, والواضح من الكي ان السوداني كاويه من الحرده

!! الظاهر انك يا الغالي ماتدري هو اللي فالقعود طرق ولا حرده

سواااالم

رد: هل هذي هي كية الطرق ؟

حياك الله

اول شئ القعود مافيه طرق

وهذا الكوي كوي حرده ماهوب كوي طرق

الطرق كوية على كرمة الخف اما يحلّق عليها ولا ترقم ولا تنفذ من رجال خبير ,, والواضح من الكي ان السوداني كاويه من الحرده

!! الظاهر انك يا الغالي ماتدري هو اللي فالقعود طرق ولا حرده

سواااالم

عز الله صدقت يا ابو جاسر ... ما لي خبره في امراض البل

والسوداني المعالج هو اللي قال لي ان القعود فيه طرق .. وهو اللي كواه

والقعود لارفع يده من الارض يرفعها فوق ويلفها على برى ولا ينقلها مثل اختها ..

فان كانت هذي اعراض الحرده فهل الكيه صحيحه .؟ وكم بالعاده تاخذ وتطيب ان كتب الله شفى

والله يكتب اجرك

رد: هل هذي هي كية الطرق ؟

حياك الله

الحردة مالها علاج لابكي ولا بغيره , حسب خبرتي وتجربتي ومعرفتي الطويله

والحرده عموماً لاتضر ولا ترد القعود من الظراب والا توجعه فالممشى


معي ناقة حردا من عادها حواره وشديناذالزمان وهي مع البل من علوى من جوده وهي في اول البل وشتينا في عرق حرابه وربعنا حدرى من رماح والى ذالحين وهي في اول البل وقدها ام ثالث ابشرك ..


بالعربي لاعاد تكوي ولاتعالج الحرده مالها علاج ...على فكره ناقتي ماعارضتها لابعلاج ولا بكي ولا بغيره وهي بخير والحمد لله

رد: هل هذي هي كية الطرق ؟

حياك الله

الحردة مالها علاج لابكي ولا بغيره , حسب خبرتي وتجربتي ومعرفتي الطويله

والحرده عموماً لاتضر ولا ترد القعود من الظراب والا توجعه فالممشى


معي ناقة حردا من عادها حواره وشديناذالزمان وهي مع البل من علوى من جوده وهي في اول البل وشتينا في عرق حرابه وربعنا حدرى من رماح والى ذالحين وهي في اول البل وقدها ام ثالث ابشرك ..


بالعربي لاعاد تكوي ولاتعالج الحرده مالها علاج ...على فكره ناقتي ماعارضتها لابعلاج ولا بكي ولا بغيره وهي بخير والحمد لله

الله يطول بعمرك يا ابو جاسر .. القعود بعض المرات يضلع ويتألم .. وعقلت يده السليمه ويده المصابه ماشالته يطيح على زوره

رد: هل هذي هي كية الطرق ؟

ياالغالي

وش حادك ترفع يده

خله يسير ولاعليه انشاء الله

كانك بتفحله فالحرده ماهيب رادته من الظراب

وكانك مانت بمفحله فدق على القصاب يفكك فيه


وسلامتك

رد: هل هذي هي كية الطرق ؟

مرحبا أخوي ممدوح

أوافق الأخ أبو جاسر

وقعودك فيه حرد وليس طرق

وإن ركزت على الفيتامينات فهو الأفضل

وإبحث عند البيطري عن بودره تضاف للعلف وإستمر عليها

وعسى الله يرفع عن قعودك ويمنحك منه ما يسرك

رد: هل هذي هي كية الطرق ؟

أرجوا من الأخوااان التوضيح والتمييز بين الطرق والحرده؟؟؟؟

ثم يا أخي صاااحب القعووود فيه هاجري طبيب شعبي ولحيةً غااانمه في الوناان إذا قعودك توه فأول مرررضه وده إيااه و أبشر بالخير

أعرف لك رجااال وداه بكرته وكواها وسلمت ولله الحمد.........

رد: هل هذي هي كية الطرق ؟

مرحبا أخوي ممدوح

أوافق الأخ أبو جاسر

وقعودك فيه حرد وليس طرق

وإن ركزت على الفيتامينات فهو الأفضل

وإبحث عند البيطري عن بودره تضاف للعلف وإستمر عليها

وعسى الله يرفع عن قعودك ويمنحك منه ما يسرك

كلام سليم وما قصر الأخ ابو جاسر

رد: هل هذي هي كية الطرق ؟

الله يجزاكم خير .. بنحاول باللي نقدر عليه والله يكتب الصالح

رد: هل هذي هي كية الطرق ؟

لونك عطيتنا صورة للقعود من الجنب كان يمكن تكون الصورة اوضح لنا
لاني اشوف من ارتكاز ايدين القعود ان فيه مشكلة في الركبة
الحردة لاتكون واضحة في معظم الحالات الاعند الدرهام (الهجيج) وفي حالاتقليلة تبين في الممشى ولكنها لاتسبب ضلع
واللين قد يصيب الخف وقد يصيب الركبة بحيث لو نظرت للمطية من الجنب تشوف فيه تقوس لليد من عند الركبة للداخل
وهذا تسبب ضلع شديد قد ينهي بداوة المطية المصابة وكيه مقارب للكي اللي على يد قعودك ولكن بزيادة كي من الداخل على الذراع مطرقين حول عصبة الذراع

رد: هل هذي هي كية الطرق ؟

السلام عليكم ورحمة الله وبركاته الحرده علاجها الكي دور لك على بدوي خبير كي وخل عنك السودانين وبعد الكي تحمى اربعين يوم وتبرا بأذن الله

رد: هل هذي هي كية الطرق ؟

االاخ مبارك المري والاخ محمد المري .. بيض الله وجيهكم ولا هنتوا

من يعرف بدوي خبير في كي وعلاج الحرده ؟