وش علاج اللي الناقه ماتسمن

رد: وش علاج اللي الناقه ماتسمن

انكان الناقه اذا بركت دخل رجلها اليمنا يم كلها
ودمنها كنه رصاص هذا بسيط يبيله كي
ولا عطها علاج الدود ترى لزم تستخدمه مرتين
اول جرعه ثم بعد 15 يوم الجرعه الثانيه
والله يشفيها

رد: وش علاج اللي الناقه ماتسمن

ارجو التوضيح يابن محلف
( اذابركت دخل رجله اليمنا يم كلها)
الناقه فيها بعض مواري الجرح وبعض مواريها تدل على ان مافيها الجرح
المواري اللي توضح ان الناقه فيها جرح اليا منها بركت تقضعبت وتليمت على بعضها
المواري اللي تجحد الجرح دمنها الله يكرمك ويكرم القراء ماهو يابس
ولاتشكي من شي خاطرها زين واكلها زين

رد: وش علاج اللي الناقه ماتسمن

مرحبا اخوي ثامر

الله الله هذا من واقع تجربه في احد بكار الشايب سنها جذعه لكن بكره
الشام طال عمرك مثل الفلفل الاسود بس لونه اخضر وتلقاه عند العطارين

لكن الناقه لقحه استخدم لها زيت السمسم العصرة الاولى والا زيت الزيتون وارد الاردن عصره اولى

وعطها حبه سودا معه بس لا تكثر من الحبه السودا

والاوصفه اللي قلت لك ترا كل مواد حاره على الباطنيه واستخدمتها لبكره

ونصيحه لك حللها تحليل دم يمكن اللي فيها طفيليات الدم

اما مستشفى الحسا والا القصيم

وتقبل تحياتي

رد: وش علاج اللي الناقه ماتسمن

شكرن يافهد
(لاهنت يااحمر العين لاهنت)
وعلى كل من تجاوب معي وادلا برايه سوا من واقع تجربه او من تجربه غيره

رد: وش علاج اللي الناقه ماتسمن

يافهد بكرة الشايب اللي انت تقول انك مجرب الخلطه فيها كانت تشكي من ضعف
وقط عالجتوها ولا فادة بها الادويه والابر

رد: وش علاج اللي الناقه ماتسمن

ولا انت ياطويل العمر

الله الله كانت تعاني من مرض مجهووول ما خلينا عنها شي يذكر

وجبتها من الابل وقمت اهندس فيها الين ضبطت هالخلطه

بس عندي عامل ملعون رقبه اهملها في ليل من الليال ودرعت في كيس شعير

وانتكست انتكاسه قويه بعد ما تشاوت وزانت صحتها

صار جهدي مثل ا(لمصلي اللي نقض وضوه في التشهد الاخير )

الحمدلله على كل حال

رد: وش علاج اللي الناقه ماتسمن

الله لايهينك يافهد ولايهين الاخوه اللي شاركونا وبجرب خلطتك وبجرب
الخلطات اللي اوصفوها الاخوان وبتطبب فيها

رد: وش علاج اللي الناقه ماتسمن

الطريقه اللي انا قلت لك مجربها في ناقة عندي وعنها معشر ماعليها خلاف الحين

رد: وش علاج اللي الناقه ماتسمن

ياثامر مساك الله بالخير وسف على التاخير في الرد
اقصد اذا بركت تليمت على بعض وتميل على الجهه اليمنا
واجد وهي باركه ولا هوشرط قساوة دمنها وانت بلكرمه
بعض الحيان يجي كنه رصاص ولا هو قاسي هذا الجرح وكيه بسيط
على اخر الضلوع من جهت الكلى مرتفع
اذا كان هذي مواريه دق على اوصفك كيه وهو بسيط ياتي في البل واجد
هذا رقمي 0540521225
وشكرا والله لا يهين الربع الي ادلو بريهم جزاهم الله خير

رد: وش علاج اللي الناقه ماتسمن

الله لايهنك اخوي عيد والناقه اذا بركت تقضعبت يعني تليمت
بس ماتميل ولاتحترك لايمين ولايسار الله اما انها تليم على بعضها
وبالنسبه لموقع الكويه معروف
والشكر كل الشكر لك ولي الاخوه الاعضاءالذي شاركو بااراهم
( الله يبيض وجيهكم)

رد: وش علاج اللي الناقه ماتسمن

السلام عليك اخ ثامر ... هذا رقمي 00971504411041 دق عليه اريد اسالك عن بعض الاعراض ان كانت موجودة ونشالله يكون عندي علاج