تكفون ياهل الخبره تكفون

السلام عليكم
يااربع عندي ناقه خلفه وحطيت في قادم الحلاب عويدي (المسمار)حسب اشارة احد الاعضاءلتوسيع افراشه
وبعدها يااخواني صارحلبت القادم قويه ويااله يطلع اللبن مع العلم ان باقي ديدالناقه هش وماشاء الله عليه
وجيت ابيطري واعطاني زي مسمار الخشب انبوب وحطيته كذا مره وا فيه فايده ورحت لواحد ثاني وقال
الديد ملتهب وعطاني مرهم ريحه زي الفكس وحتي الان بدون فايده فارجو من اهل الخبرهالافاده جزاهم
الله خيرملاحظه/الحاشي مايرضعه لقله خروج اللبن ممايسبب ورام للديد

رد: تكفون ياهل الخبره تكفون

لا تكثر العلاجات. عليه انت شكلك عجل مره اغسله من الخارج بماء دافي. وملح. ولا تطق ابر. ولا عصارولاغيره. وخلها تمشي

رد: تكفون ياهل الخبره تكفون

لا تذوق الناقه بالوقت الحالي اي علف يكثر الحليب ( برسيم - وافي - شعير) ومثل ماقالك الاخ فواز ماء دافي وملح وخل الناقه تسرح ولازم تحلبها تنظف الديد وعطها ابره بنسلين 20 مل لمده اربعة ايام الظاهر ان ديد الناقه ملتهب وما عليها خلاف ان شاء الله

رد: تكفون ياهل الخبره تكفون

الاخ/ منصور

لو تحط مره على الماء والملح زي ماقال الاخ فواز يكون افضل
ولا تذوق البرسيم ولا تشرب ماء واجد
وخل ولدها في شبك ولا تدر عليه الا واحد عندها
وبالهون نظف قادمها إلملتهب بإستمرار لا تخلي الحليب فيه
وأن اعطيتها بنسلين مثل ماقال اخونا بندر كمل ثلاث ايام وانت تعطيها بنسلين
وماعليها خلاف

رد: تكفون ياهل الخبره تكفون

بيض الله وجيهكم جميع وهذا الامل فيكم