لااصحاب الخبره رحم الله والديكم

يالربع عندي قعود طيب مفرود ياكل الغزل ياكل وبرته من تحت السنام
وياكل وبرة الابل مع ان حاله طيب وسمين وش الحل؟ وش افضل علاج بااسرع وقت؟

الله لايحرمكم الاجر..

رد: لااصحاب الخبره رحم الله والديكم

اللي نعرفه ,,,, اللي تاكل وبر الابل نحط لها ملـــح ,,

حط له ملللللح

رد: لااصحاب الخبره رحم الله والديكم

يا صالح ادهنه بالفلفل الحار واستمر معه لين يتكر العاده ولاتحجره في شبك

رد: لااصحاب الخبره رحم الله والديكم


حاول تعزله عن البل وزي ماقالوا الاخوان عليك بالملح ورشه بفلفل ولا حدج ولا جاره ومع الوقت ينسى ان شاء الله

رد: لااصحاب الخبره رحم الله والديكم

ياصالح وانا اخوك النتف ماله علاج من الاوبر او حبوب اوشراب
يعني ماله علاج بين على ماعتقد بس وانا اخوك اله طرايق يمشون عليها هل البل
انك تطلي الابل بزيت محروق وطبعن الطريقه هذي مايسويها اللي اهل المجاهيم لانها تشوه شكل البل خاصه المغاتيرولا المجاهيم مايبين الزيت فيها جدا
الطريقه الثانيه مثل ماتفضل الاخ محمد العتيبي في تعليقه على موضوعك
انك تدهن الابل بالفلفل
او انك تشبك القعود وتعزله عن الابل وان كانه ينتف اوبرته وياكلها
لبسه اجلال والله الله بالملح الخشن حق الطعام
لاينقطع من حياضه
طبعن انا اتكلم من واقع تجربتي وكلن يعد ماواجه
واسفى على الاطاله

رد: لااصحاب الخبره رحم الله والديكم

يامرحبا ياصالح ....ان كان القعود طيب وتبيه فحل الله يعينك ماله حل الا العزل والجلال ؟؟ وغير هذا مافي حل !! وماتفكه الا في ربيع عسى الله يجيبه

وان كان القعود ماهو بالفحل الي تبي اعرضه بالسوق ترى اكل الوبر طبع ان شافه الدق سوا مثله وماعاد تدري وش تسوي ؟

هذي نصيحه وصدقني اكل الوبر مثل المشخاط(الكبريت) ان مشى بالابل ماعاد وقف .......

رد: لااصحاب الخبره رحم الله والديكم

اشكركم من كل قلبي
لاكن فيه علاج شراب عند البيطري 3 بيالات يوميا مع الماء وش رايكم فيه؟

رد: لااصحاب الخبره رحم الله والديكم

ماله علاااااااااااج ياخوووووووك لا تخسر حالك بدفع الدراهم
اعزل القعود في شبك ولبسه جلال والا رشه بجره

رد: لااصحاب الخبره رحم الله والديكم

ياصالح هذي طبيعه ماهي مرض عششان يكون لها علاج مالك اللي الطرق اللي علمناك بها
ونتبه لا تطبع الدق

رد: لااصحاب الخبره رحم الله والديكم

ابو حسن مساك الله انت والجميع بخير

أكل الغزل من حالتين

يجي من ضيق نفس المطيه ومللوتها من الديره ويجي من طعام يلقاها على شعاف الابل ويتعود على نتفه

ويجي من قل الاملاح وعدم اكل المطيه للحمض من فتره بعيده وهذا الغالب

وانا انصحك في بخاخ يرش على اشعاف الابل والاماكن اللي تنتف عادة بخاخ ترشه على الشعفه ومقاري العضود

واستخدم الجلال لانه ينسي المطيه لو تستخدمه فتره قبل يجي الصيف وكبت وشدة الحر

والا عليك بالرشاد والثوم والحبة السوداء اخلطها مع ما وغره غر

بيالتين من كل صنف مع قارورة ما لتر ونص

ووالله يكتب لك الصالح

رد: لااصحاب الخبره رحم الله والديكم

ياخوك اعزله من البل لتشوفه تسوي مثله هذا اهم شي اما العلاج ماله علاج
ولا زيد على كلام الربع بيض الله وجيهم فيه كبريت عند البيطري تراه زين
للبل وللي تاكل الغزل خاصه واكدلك البل لا تشوووووفه تاخذ طبعه
وشكرا

رد: لااصحاب الخبره رحم الله والديكم

اخي صالح حياك الله ومرحبا بلاخوان اما بنسبه لكلان الغزل وانا اخوك استعملو الناس العلاجات وانواع الملح
احد تصيب معه واحد تخيب معه لاكن الطريقه الي انسويها فلحاشي اذا اكل الغزل نمسكه ونكسر ثناياه بزرايه الثنتين نكسر منها ونخلي
شي بسيط حيث انه اذا مسك الغزل مايقدر يقطعه وبيتركه ولاعاده بقارب الغزل والله يوفقك وجميع الاخوان