ورم في نحر الحوار يأهل العرف

هذا الله يسلمكم حوار عمره 3 شهور اكله طيب وحاله سمين شحم
ولكن فيه ورم في نحره مثل ما الصوره واضحه وملمسه قاسي
اذا احد له عرف بالعلاج يفزع لنا الله يبارك لكم في حلالكم او اتركه علي حاله دون تدخل مني

رد: ورم في نحر الحوار يأهل العرف

ارحب ياناصر
هذي تسمى نواجم
وفالسنوات الاخيره بدءت تخرج في الحيران
لايذكر مضاعفات منها
والافضل عدم لمسها او محاولات تنظيفها
تقبل مروري

رد: ورم في نحر الحوار يأهل العرف

ياهلا بأستاذنا الوافي وماقصرت بردك وتجاوبك يالغالي

ولكن وش رايك لو جربت معها ابرة افيوماك ودهان الكبريت تتوقع تخف لانها مشوهه شكل الحوار

لاني اتوقع انها طفيليات مسببه اكزيميا للجلد

واكرر لك الشكر يالغالي

رد: ورم في نحر الحوار يأهل العرف

علمك التميمي

وعلى ماقالوا .... ترك الطب طب

رد: ورم في نحر الحوار يأهل العرف

علمك التميمي

وعلى ماقالوا .... ترك الطب طب

جزاك الله خير ياخوي مطلق

رد: ورم في نحر الحوار يأهل العرف

لاداعي لااستخدام اي علاج ياسعد والادويه اللي ذكرتها لافائده منها لنواجم
ومع مرور الوقت راح تخف نسبياً
واي فتح لها راح تكبر دائرة الخراج
فانصح تركها لوجودها في مكان حساس

رد: ورم في نحر الحوار يأهل العرف

جزاك الله خير ياخوي محمد والله يبارك لك في حلالك ومالك

والله يجعل ماتقدمه لخوانك سبب في تيسير امورك كلها