للجميع وبالذات اخوي المنصوري الحقونا بالعلاج بالنشاما

سلام الله عليكم يالربع
ياجماعة الخير انا عندي خلفه لها شهر من ولدت وكانت طيبه
الين قبل عشرة ايام قامت ماتاكل الا شي بسيط للغايه
وانا قلت يمكن كلت بلاستيك او شي غثها
المهم عطيتها بنسلين ثلاث ايام ومانفع وعقب قمت اشوفها ترجع الماي
واشوفها ظامر
طلعت لها الدكتور وسوينا لها تحليل دم وبالنتيجه طلع عندها انزيمات الكبد مرتفعه
واصله 1500 والمفرروض يكون اقل من 135
عطاني مضاد يقول نسبة شفاها اذا الله كتب 10٪
وماكو غيره
اسم العلاج bykahepar والكميه 30 صانتي 3 ايام
والعلاج الثاني dl-vito-methionine والكميه 20 صانتي 5 ايام
وعقب قلت عن الشك قمت وعطيتها ابرة هيام وحبوب الدود
والحين لها اسبوع مافيه تقدم بحالها
للعلم الناقه تقوم وتروح وتجي ولكن مافيها حليب واعطي ولدها من حليب الخلفات الثانيه
والناقه على يد الراعي يوكلها غصب عقب ما يجرش الشعير

وابي حل الله يديمكم ذخر

رد: للجميع وبالذات اخوي المنصوري الحقونا بالعلاج بالنشاما

25 سم تروماسين فالعضل
20 سم الاعصاب نسيت اسمه ( ابره والمحلول اللي فيها ابيض ) فالوريد
( طحين يُعطى عن طريق الفم ( غر ) فاتح للشهيـه بعد إضافة الماء له
ابرة الهيام يمكن ماصابت زين .. عطها هنديه بين الجلد واللحم .
..
صاب عندي ناقتين
وحده ماتت ووحده سلمت ..
..
والله يكتب الخير

رد: للجميع وبالذات اخوي المنصوري الحقونا بالعلاج بالنشاما

هلا يا فلاح افتح فم الناقه وفتشها من الهدب

رد: للجميع وبالذات اخوي المنصوري الحقونا بالعلاج بالنشاما

اولا شف الهدب مثل ماقال الاخ بندر
ثانيا عطها زيت سمسم قاروره عن طريق الفم لمدة خمسة ايام كل يوم قارورة كاملة
وماتشوف شر ان شاء الله

رد: للجميع وبالذات اخوي المنصوري الحقونا بالعلاج بالنشاما

يمكن ابو سوار. وعلاجه. كي مثلث تحت الحنك ال حنجرة
وخطيره من الهدب

رد: للجميع وبالذات اخوي المنصوري الحقونا بالعلاج بالنشاما

اول شي يبيلك تعالج الكبد قبل هذا وهذاك اما بعلاج بيطري
ولا شعبي الي هو جزر مفروم مع بيالتين سكر وملعقتين كركم في غرشة ماء 3 ايام متواصلة
قيس الحرارة وشوف الفحص هل المناعة زايدة ولا ناقصة
بعدين يفضل يجيها الدكتور يعلق لها مغذي فيه الادوية لان الناقة تعبت لها اسبوع حتى ترتفع المناعة وتقوى على المغذي وفتامين سي
حاول ماتخلط وتكثر الادوية لانه يضر
واذا عطيتها كورس مضاد حيوي كامل لاتعيد نفس النوع حاول تبدل نوع ثاني لان الجسم يكتسب مناعة منه
وهذا والله اعلم

رد: للجميع وبالذات اخوي المنصوري الحقونا بالعلاج بالنشاما

يمكن باقي من رحمها شي بعد الولاده ولا ظهر

يسبب عفن في جسم المطيه

ويمكن هدب مثل ما تفضلوا الاخوان

رد: للجميع وبالذات اخوي المنصوري الحقونا بالعلاج بالنشاما

الميثينين 40 سم ثلاث ايام في اللحم وان شاء الله تشوف الي يسرك

رد: للجميع وبالذات اخوي المنصوري الحقونا بالعلاج بالنشاما

اخوي تأكد من الحمام (انتفاخ جما الناقه)

رد: للجميع وبالذات اخوي المنصوري الحقونا بالعلاج بالنشاما

صار عندي نفس الحالة في خلفة العام وطلع في الفحص ارتفاع في انزيمات الكبد مثل ناقتك

وكانت الناقة اكلها قليل وضامر ولافيها حليب مرة

ووصف الطبيب كورس علاج للكبد فقط للاسف اني ماتذكره منها شرراب لمدة 20 يوم وبدت تحسن الين طابت

ملاحظة : كثرة الادوية لمثل حالة ناقتك تضر اكثر ماتنفع وخصوصا دواء الدود لانه يزيد الطين بله بالنسبة للكبد

الطبيب معه حق يوم عطاك دواء للكبد فقط

رد: للجميع وبالذات اخوي المنصوري الحقونا بالعلاج بالنشاما

السلام عليكم ورحمة الله وبركاته

عندي ناقة نفس حالتها ونرجوا الاخوان المشرفين والأعضاء التفاعل في هذا

المرض وعلاجه

رد: للجميع وبالذات اخوي المنصوري الحقونا بالعلاج بالنشاما

مرحبا الشيخ

اولا انزيم الكبد مرتفع ويجب انزاله بشكل عاجل
يجب عليك ان تعطي المثيونين 30 سيسي وريد لمدة ثلاث ايام لانه بينشط الكبد وبينزل الانزيمات
ونفس الشي تعطي البيكهبار 30 سيسس وريد لمدة ثلاث ايام لانه بيفتح الشهيه عند الناقة لكن يجب المباعدة في حقن الادوية مثلا المثيونين صباحا والبيكهبار مساء
- نفس الوقت ابغيك تعطي الناقة صباحا بياله عسل مع ماي تخلطهم اول الصباح وتعطيهم الناقة بشكل لمدة اسبوع بينزل الانزيمات
-ملاحظة : يجب قطع الدهون نهائيا ويجب قطع المكعبات لفترة وجيزه
هذا والله ولي التوفيق

رد: للجميع وبالذات اخوي المنصوري الحقونا بالعلاج بالنشاما

الله لايهينك وجعل والديك في الجنة وننتظر رأي باقي الأخوان..

رد: للجميع وبالذات اخوي المنصوري الحقونا بالعلاج بالنشاما

بسم الله الرحمن الرحيم

بالبدايه امسي عليكم بالخير

وانا انصح بخل التفاح مقدار قارورتين تسقي بيوم واحد

مجربه للكبد ولكروات الدم الي يجي عن طريق إهمال الهيام

جربتها وانجحت اما ادويه ما تفيد بإلحاله هذي الي المغذي وبعدها يومين ويرجع

رد: للجميع وبالذات اخوي المنصوري الحقونا بالعلاج بالنشاما

السلام عليكم انا عندى اعشرا نفس الحاله و نبى نستفيد من تجارب الاخوان و جزاكم الله خير