الناقه كلت نص كيس شعير

السلام عليكم ورحمة الله وبركاته

ناقه شريتها قبل كم يوم والبارحه شالت الشبك وطاحت في الشعير

يقول الراعي انها كلت نص كيس

ولقيتها الليله مهي بالطيبه ,, منعناها من الماء وبغيت اعطيها بيبسي قلت استشيركم قبل

وش الراي

رد: الناقه كلت نص كيس شعير

عطهــــــــــــا نسكــــــــــــــافه 3 ملاعق بقارورة صحه نصف لتر وان شاءالله ماتشوف شر

رد: الناقه كلت نص كيس شعير

٢ لتر زيت زيتون (غرشتين)
مجرب ١٠٠٪
والله يحفظ حلالك من كل شر

رد: الناقه كلت نص كيس شعير

زيت زيتون 2 لتر مخلوط بشوي ماء او علبه سفن آب واعزلها لا تذوق شي وبتسلم ان شاء الله

رد: الناقه كلت نص كيس شعير

الله يجزاكم خير ويوفقكم ويبارك لكم ...

رد: الناقه كلت نص كيس شعير

الناقة لقحة ؟

اذا الناقة عاكم ( ما تدمن وانتوا بكرامة )

لا تعطيها اي شيء لا ببسي ولا نسكافة لان هذا بيفجر بطنها

وافضل شيء تعطيها ابرة البيكوهيبار اذا مهيب لقحة
و لاتخلي الناقة تبرك خلها تمشي
واذا كانها بركت ولا عاد قامت اضغط ايضا على كليتها اليسار لانه موضع الكرش
ضغط مستمر بقوة

والله يوفقك لما يحب ويرضى

رد: الناقه كلت نص كيس شعير

عطها نس كافيه غرشه صغيره كاملة
وخلها تمشي لها مسافة مشي خفيف بس مستمر
وانشالله تسلم

رد: الناقه كلت نص كيس شعير

الله يجزاكم خير جميع .. ان شاء الله ان الناقه سلمت

والله يبارك لنا ولكم ولكل مسلم